د افغانستان د روڼتیا څار اداره وايي، چې له زندان نه د کابل بانک د پوروړي خوشې کول د منلو وړ نه دی.
د دغه بنسټ اجرایوي رییس سید اکرم افضلي نن د (نومبر په مه) په یوې خبري غونډه کې وویل، د کابل پخوانی مدیره هیت خلیل الله فیروزي او د دغه بانک پوروړی چې د محکمې له خوا په ۱۵ کلونو بند محکوم شوی و، خوشې کول یې د دې ښکارندوی دی، چې حکومت د فساد سره په مبارزه کې ژمن نه دی.
نوموړی وايي، د کابل بانک د پورونو اداینې په بهانې سره د فیروزي خوشې کول د ولس سره د حکومت مشرانو د "ټوکې" کولو په معنا دي.
زیاته کړه، چې حکومت د "فسادو" ډلو تر فشارونو لاندې دی.
د روڼتیا څار اداره وايي، چې ولسمشر غني د کابل بانک پوروړلو د دوسیې په پرانیستلو سره د خلکو او نړیوالو باور تر لاسه کړ، خو د کابل بانک اصلي پوروړي خلیل الله فیروزي په خوشې کولو سره دغه باور له منځه لاړ.
افضلي له حکومت نه وغوښتل هغه اشخاص چي مجرمین دي او د خلکو په منځ کې باور نه لري؛ دوی ته دې بیا د پانګې لوټولو اجازه ور نه کړي.
دوی له حکومت نه غواړي، چې د بښنې کلتور دې له منځه یوسي او تورن کسان دې محکمې ته ور وپېژني.
خو د ولسمشر د ویاند مرستیال سید ظفر هاشمي وايي، د ولسمشرۍ ماڼۍ په تصمیم کې هیڅ ډول خلا نه ده رامنځته شوې.
هاشمي وايي، دوی به هیڅ کله پرې نږدي، چې د کابل بانک پوروړي وتښتي او پورونه ادا نه کړي.
ده وویل، چې ولسمشر خپل حقوقي سلا کار عبدالعلي محمدي، د ښې حکومتولۍ او سمون په برخه کې د ولسمشر ځانګړی استازی احمد ضیا مسعود او د ښار جوړونې وزیر سید سعادت منصور نادري ټاکلي دي، چې په دې برخه کې د خلکو اندېشنې او پوښتنې ځواب کړي.
د ولسمشر حقوقي سلا کار عبدالعلي محمدي تېره ورځ د هوشمند خصوصي ښار ګوټي پروژې په پرانیست غونډه کې وویل، چې دولت تصمیم نیولی د کابل پخوانی مدیره هیت خلیل الله فیروزي او د کابل بانک نور پوروړي په مشروط ډول له زندان نه خوشې کړي.
په دې پرانیسټ غونډه کې خلیل الله فیروزي د هوشمند خصوصي ښار ګوټي اصلي پانګوال په توګه وویل، په خصوصی پروژو کې د پانګه ونې له طریقه د خپلو پورونو د خلاصولو په شرط له زندان نه خوشې شوی دی.
