روسیهنینگ افغانستاندهگی ایلچسی الکساندر مانتیتیسکی بوگون دوشنبه مملکتینینگ طالبلر بیلن بولگن همکارلیگی بارهسیده گزارشنی رد قیلدی. بوگون کابلده بیر خبری انجمنده اشتراک قیلگن مانتیتیسکی، مملکتی نینگ افغانستان اوچون مخصوص نمایندهسی ضمیر کابلوفنینگ اخیرگی سوزلری تحریف ایتیلگن دیگن.
بوندن آلدین افغانستان اخبارات واسطهلری ضمیر کابلوفگه اساسلب، روسیه قوراللی طالبلر بیلن علاقه قوریب، مذکور حرکتدن معلوماتی ساحهده همکارلیک سوره دگن دیگن ایدی.
جناب مانتیتیسکینینگ سوزلریگه کوره، مملکتی افغانستان حکومتی بیلن کینگ سیاسی علاقهگه ایگه و رسمی مسکو بو علاقه کوپراق مستحکم لهنیشی اوستیده سعی وحرکت قیلهدی. افغاستان دولتی و قوراللی طالبلر اورتهسیده تینچلیک مذاکرهسی اوتکزیلیشینی خوش قرشی لهگن روسیهنینگ مملکتدهگی ایلچیسی بو لایحه گه تشقی مملکتلر ارهلشمسلیگی اوستیده تاکیدلهگن.
شونینگدیک مانیتیتیسکی ینه بیر بار افغانستاندهگی ترورچی گروهلر نابود ایتیلیشی و مخدر ماده قاچاقی آلدی آلینیشی اوچون مملکتی رسمی کابلگه همکارلیک قیلیشدن خبر بیرگن.
اونینگ ایتیشیچه، رسمی مسکونینگ امریکه قوشمه ایالتلری و اروپا اتفاقی بیلن علاقهسی ترهنگلهمسد آلدین 2014- ییلده افغانستان حربی کوچلری حمایت ایتیلیشی و ترورچیلرگه قرشی مبارزه بولیشی اوچون رسمی واشنگتن و مسکو ارا بتیم گه قول قوییلگن لیگیگه اشاره قیلگن.
عین حالده، روسیهنینگ ایلچیسی رسمی مسکو افغانستان ایچکی ایشلر وزیرلیگینینگ یوزلب حربیسیگه تورلی ساحهلر جملهدن ترورچیلیککه قرشی کورهشیش، مخدر مادهلر قاچاق ایتیلیشی و چیگرهنی قوریش بولیملرگه تعلیم بیرگن لیگینی ایسلهگن. حاضرگی کونده هم 250 افغانستان حربی عسکر مسکوده تعلیم کوریب بارماقده.
