روسیه دولتی بشار اسددن حمایت بیلدیریش نیتیده سوریه اوروشیگه ارهلشگنلرگه قرشی جنگ قیلیش توغریسیده قرار آلگن. منطقهدن کیلگن گزارشلرگه کوره، روسیهنینگ نیچه حربی طیارهسی سوریهده عصیانچیلر مرکزینی نشانگه آلیش اوچون بو مملکتگه یوباریلگن.
اسراییلنینگ کوندهلیگی «یدیعوت احرونوت» سوریه دولتینینگ بو توغریده آلگن قراریگه اساسلب یازیشیچه، روسیه جمهور رییسی ولادیمیر پوتین مملکتینینگ حربی طیارهلری تیزلیکده سوریه توپراغیگه ییرلهشیشگه بویروق بیرگن. روسیهنینگ طیارهلری سوریهدن توریب داعش و باشقه عصیانچی گروهلر مرکزلرینی هجوم آستیگه آلهدی.
بو بیرینچی مرته دیر روسیه سوریه دولتیدن حمایت بیلدیریب داعش و باشقه جنگریلرگه قرشی اوروش آلیب باریش میدانیگه کیرهدی.
غرب دولتلری منبعلریگه اساسلب یازگن اسرییل کوندهلیگیگه کوره، روسیه بوندن آلدین سوریه اوروشیگه ارهلشگن ایدی.
عین حالده، کوندهلیک غرب دولتلری ایلچیلیگیگه تیهنیب یازیشیچه، روسیه بوندن آلدینلری سوریه اوروشیگه ارهلشگن.
امریکه قوشمه ایالتلری هنوزگچه روسیهنینگ بو قراری توغریسیده فکر بیلدیرمهگن.
کوندهلیک نینگ یازیشیچه، سوریه و دمشق یقینیدهگی هوا میدانلری روسیه اختیاریگه قوییلگن.
شونینگدیک روسیه کیلگوسی کونلرده سوریه گه لوژستیکی مواد، خوفسیزلیک ایشبیلرمان، حربی کوچ و پیلوتلر یوباریلیشی نی نظرده توتگن.
روسیهلیک رسمیلری، هنوزگه بو قرار توغریسیده رسمی معلومات بیریشمهگن لر. اما، بو مملکت آلدین هم بشار اسد رهبرلیگیدهگی تیزیمدن اوز حمایتینی اعلان قیلگن ایدی.
سوریه و عراقده داعش گروهیگه قرشی اوروش قیلیش اوچون روسیه دولتی حصه آلیشی اورته شرق مملکتلریدهگی حاکم سیاسی علاقهلرنی بوزیشی ممکن. حاضر ایسه امریکه قوشمه ایالتلری روسیهنینگ مذکور تدبیریگه نسبتن قندهی عکس المعل بیلدیریشینی کوتیش کیرهک.
