قندوز اوروشی‌دن بدرغه بولگنلرگه یوز سیر بوغداینی اون قیلیب، نان پیشیرتیریب بیرگن ظابط روزی اوغلی، روزی‌بای قیلگن ایشی بیلن فعالیتی اجتماعی ترماق‌لرده ییره‌ب کیتدی.
خیاللرده او بیر عادی ایکینچی دیب اویلنردی؛ اوتمیشی‌دن خبر سیز اجتماعی ترماق ایشلاوچیلری حتی پروفایللریگه هم روزی‌بای نینگ صورتینی قویه باشله‌دیلر. روزی‌باینی استوره توزه‌تمنگ دیگن قرشی فکرلر هم کم بولمه‌دی البته.
لیکن سلام‌وطندار اوزبیک خذمتی مذکور شخص بیلن مخصوص صحبت اوتکزیب، اونینگ حیاتی‌ده روی بیرگن واقعه‌لر کوپ قیسمی‌نی اورگنیب آلگن.
روزی‌بای داکترنجیب‌الله افغانستان سابق جمهور رییسی دوریده عسکر بولیب مدافعه وزیرلیک ایشلاوچیسی، اما حاضر حربی ایشلردن چیقیب عادی ایکینچی بولگن.
سونگی کونلرده قندوزده اوروشلری شدتلنیشی بیلن بو ولایت نینگ اهالی‌سی قوشنی تخار، بلخ و کابل ولایتلریده آواره بولیب باش پناه، ییگولیک – آزیق آوقت کییم – کیچکلرگه جدی احتیاجلری بارلیگینی یوره‌کدن سیزگن روزی بای، نیمه بولیشدن قطع نظر اوره‌سیدن 100 سیر بوغداینی اون قیلیب عایله‌سی یاردمی بیلن نان پیشیریب اونی بدرغه بولگنلرگه ترقه‌تیب بیریشگن.
روزی‌بای کیم‌لیگی و اوتمیشی منه شو تخارده بدرغه بولیب، باش پناه ایزله‌گن قندوزلیکلرگه قیلگن انسان‌پرورلیک یاردمی آرتیده ایکن دیسک؛ اده شمهگن بوله‌میز.
ازلدن عادی بیر ایکینچی بولمه‌گن. عمری نینگ کته قسمینی مملکتی‌نی مدافعه قیلیش اوچون صرفه‌له‌گن‌لیگینی تیلگه آلگن روزی‌بای.
روزی‌بای قندوزدن تخارگه کیلگن آواره‌لرگه20 عایله اوچون بیر یشش بنا تیارلش یانیده 5 خانه‌دا‌نی هم اوزی حیات کیچیره‌دیگن اویده یشش اوچون شرایط یره‌تیب بیرگن.
یاردم قولگه کیریتگن فقرا دولت و نا دولت اداره‌لر یانیده روزی‌بایگه اوخشه‌گن تخارلیکلردن انسان پرورلیک یاردم کورستگن‌لری اوچون منت‌دارچیلیک بیلدیرگنلر. اولر مرکزی حکومت‌دن تیزلیکده قندوز امنیتی تامین ایتیلیشی‌نی سوره‌ی دیلر.
چمه‌سی اون کون آلدین طالب‌لر قندوز شهرینی نیچه تاماندن هجوم آستیگه آلیب، ولایت مرکزینی تصروف قیلیش‌گه موفق بولگن ایدی. ایتیلیشیچه، قندوز یشاوچی‌لریدن یوزلب کیشی اوشبو اوروش دوامیده جانی و مالی ضرر کورگنلر.
