رمضان آیی باشلنگنیدن بویان قندوز، سمنگان، جوزجان، سرپل، تخار، بلخ، بدخشان، دایکندی و هرات ولایت‌لری امنیتی کوچلر و طالبان گروهی آره‌سیده جدی آتیشمه‌لرگه شاهد بولگن.
مذکور ولایت محلی و امنیتی مسئوللری نینگ ایتیش‌لریچه، رمضان آیی باشلنگنیدن بویان طالبان جنگریلری نینگ هجوم‌لری و آتیشمه‌لری باعث امنیتی کوچ‌لردن 50 ته‌سی هلاک بولگن. اونگه کوره، بو آتیشمه‌لرده امنیتی کوچ‌لردن باشقه 63 ته‌سی یره‌لنگن.
بولردن، 10 عسکر قندوز، 9 عسکر جوزجان، 9 عسکر سرپل، 9 عسکر سمنگان، 5 عسکر بلخ، 5 عسکر تخار، 2 عسکر بدخشان و باشقه بیر عسکر ایسه دایکندی ولایتیده جان بیرگن. شونینگدیک 8 عسکر قندوز، 12 عسکر جوزجان، 10 عسکر سرپل، 5 عسکر سمنگان، 7 عسکر بلخ، 6 عسکر تخار، 10 عسکر بدخشان و باشقه 5 عسکر هرات ولایتیده تن جراحتی کوتارگن.
سلام‌وطندارگه ییتیشگن معلومات‌لرنینگ کورستیشیچه، امنیتی کوچلر قندوز، سمنگان، جوزجان، سرپل، تخار، بلخ و بدخشان ولایت‌لریده کوپینچه تلفات کورگن.
جوزجان حاکمی سوزلاوچیسی عبدالمعروف آذر نینگ سلام‌وطندارگه ایتیشیچه، رمضان آیی باشلنگنیدن بویان طالبان مذکور ولایت مرکزی و تومن‌لریده امنیتی کوچلرگه قرشی 13 گروهی هجوم اویوشتیرگن.
جوزجان حاکمی سوزلاوچیسی گه کوره، مذکور هجوم‌لر عاقبتی‌ده مردمی کوچ‌لردن 9 ته‌سی هلاک و باشقه 12 ته‌سی یره‌لنگن و شونینگدیک 16 طالب هلاک و باشقه 20 طالب تن جراحتی کوتارگن.
جوزجان، سمنگان، بلخ، دایکندی، سرپل، قندوز و بدخشان محلی و امنیتی مسئوللری نینگ ایتیش‌لریچه، بو آتیشمه‌لرده 69 طالب هلاک و شونینگدیک باشقه 44 طالب یره‌لنگن.
اولرگه کوره، جوزجان ده 16 طالب، سمنگان ده 15 طالب، بلخ ده 12 طالب، دایکندی ده 12 طالب، سرپل ده 6 طالب، قندوز ده 4 طالب و بدخشان ده 4 طالب هلاک ایتیلگن. شونینگدیک جوزجان ولایتیده 20 طالب، سمنگان ده 2 طالب، بلخ ده 6 طالب، دایکندی ده 6 طالب، سرپل ده 7 طالب، قندوز ده بیر طالب و ایکی طالب ایسه بدخشان ده تن جراحتی کوتارگن.
بلخ پولیسی سوزلاوچیسی عادل‌شاه عادل نینگ ایتیشیچه، امنیتی کوچلر مذکور ولایت نینگ شورتپه تومنی گه تیگیشلی منطقه‌لرده عملیات اویوشتیرگن کیم بو عملیات جریانیده طالبان گروهی گه آغیر تلفات ییتیشگن. اوشبو عملیاتده طالبلرنینگ ایکی قومندانی ملاعبدالجبار و ملا ولی شامل 12 اعضاسی هلاک ایتیلگن.
بو توغریده مدافعه وزیرلیگی نینگ فکرینی اورگه‌نیش ایسته‌دیک، بیراق مذکور وزیرلیک مسئوللری امنیتی کوچلر و طالبان گروهی نینگ تلفاتی توغریسیده معلومات بیریشدن وازکیچیشگن.
عین حالده، ملی خوفسیزلیک کینگش دفتری نینگ اعلام قیلیشیچه، رمضانی آیی نینگ بیرینچی 7 کونیده 17 ولایتده 17 تینچ‌اهالی طالبان آرقه‌لی اولدیریلگن.
بوگون (یکشنبه 14- ثور) مذکور نهاد سوزلاوچیسی جاوید فیصل بیر توییت آرقه‌لی یازیشیچه، بو پیتده 17 ولایتده باشقه 49 تینچ‌اهالی یره‌لنگن.
مذکور تینچ‌اهالی بیر هفته جریانیده هلمند، ارزگان، بادغیس، بغلان، پکتیکا، زابل، غزنی، غور، فاریاب، کابل، کاپیسا، کندز، کندهار، لوگر، ننگرهار، نیمروز و هرات ولایت‌لریده طالبان آرقه‌لی هلاک و یره‌لنتیریلگن.
یول چیککه‌سیده ییرلشتیریلگن ماین پارتلشی و طالبان گروهی جنگریلری نینگ توغری اوق آتیشی تینچ‌اهالی تلفاتی نینگ کتته عاملی دییلگن.
