تشقی ایشلر وزیرلیگی مطبوعات بوییچه رسمیلری صلاح‌الدین ربانینی مسکو کیتیشیدن خبر بیرگنلر. اولرگه کوره، جناب ربانی روسیه نینگ تشقی ایشلر وزیری سرگئی لاروف نینگ رسمی چقیریغی اساسیده ایرته ایکی کونلیک سفرده روسیه کیته‌دی.
تشقی ایشر وزیرلیگی سوزلاوچیسی شکیب مستغنی نینگ سلام‌وطندارگه ایتیشیچه، عصیانچیلر و مخدرماده‌گه قرشی کوره‌ش، امنیت، حربیه، اقتصاد و سوداگرلیک بولیم‌لریده روسیه نینگ یاردم‌لرینی آلیش ربانی نینگ روسیه گه قیلگن سفری باره‌سیده ایتیلگن.
مستغنی، ربانی جناب لاروف بیلن کابل-مسکو علاقه‌لری یوکسلیشی وطالبلر نینگ روسیه بیلن علاقه‌لری باره‌سیده هم صحبت قیلیشی ممکن دیگن.
بیراق سیاسی تحلیلچی‌لرگه کوره، امیریکه جمهور رییسی دونالد ترامپ نینگ افغانستان اوچون توشینچه‌سی معلوم بولمه گونگه قدر و مسکو-واشنگتن افغانستان اوچون بیر ایش قیلمه‌گن تقدیرده، حکومت رسمیلری قولیدن بیرنرسه کیلمه‌یدی.
روسیه مسأله‌لری تحلیلچی‌سی فدامحمد نظری نینگ ایتیشیچه، افغانستاننی امیریکه گه یقین بولگن‌لیکی منطقه بویلب اجماع قیلینمه‌یدی، شونینگدیک طالبلر منطقه بویلب اویغونلیک آلیشگه موفق بولدی. اونگه کوره، افغانستان دولتی ایچکی تارتیشوولردن چیقمه گن صوترده، منطقه مملکت‌لری افغانستانگه ایشانمه یدی.
اما لطیف نظری یمان بیر وضعیتده ربانی نینگ مسکو کیتیشی ایکی مملکت اورته‌سیده ایشانچ کوپلتیریب روسیه بیلن افغانستان اورته‌سیده سوزله‌شیشلر بولگن تقدیرده، امنیتی و سیاسی وضعیت یمان بولیش آلدی آلینیشی ممکن دیب بیله‌دی.
جناب نظری هم افغانستان وضعیتینی ترامپ و پوتین‌گه باغلیق دیب بیله‌دی و ایتیشیچه، کابل و مسکو اورته‌سیده بوله‌دیگن علاقه‌لرگه ترامپ تأثیر سیز ایمس.
مملکت تشقی ایشلر وزیری شو سونگی کونلرده کابل و مسکو علاقه‌لری یمانلیگی اوچون بارماقده.
مسکو، چین و پاکستان بیلن افغانستان باره‌سیده سپتمبر آیی نینگ سونگی کونلریده اوتکزگن اوچ تامانلمه تینچلیک اولتیریشده، افغانستاننی خبر قیلمه‌دی. بوموضوع افغانستان تشقی ایشلری و نماینده‌لر مجلسی قرشی‌لیگی بیلن روپه‌ره بولدی و مذکور وزیرلیک روسیه‌دن بوباره‌ده معلومات بیریشینی سوره‌دی.
