.jpg)
د افغان خبریالانو ملي اتحادیې نظرپوښتنې پایلې ښيي چې د خبریالانو او د رسنیو کارکوونکیو نژدې ۸۰ سلنه قراردادونه د افغناستان د کار له قانون او د رسنۍ د تاسیس څرنګوالي او فعالیت مقررې سره ورتهوالی نهلري.
د دغې اتحادیې مشر فهیم دشتي وايي، د قراردادونو لاسلیکولو او د کارکوونکیو ګومارلو کې ستونزې، له خبریالانو سره د رسنیو مدیرانو نامناسب چلند، د تقاعد موضوع، بیمه، اکرامیه، اضافهکاري او تشویقي امتیازونه نه ورکول له هغو مواردو دي چې دغې نظر پوښتنه کې ځای شوېدي. د ده په وینا، د دوی په تازه نظرپوښتنه کې ۸۰ سلنه ګډونوالو ویلي چې قراردادونه یې د دغو قوانینو له احکامو سره برابر نهدي.
نظرپوښتنه هم دارنګه ښيي چې ۸۰ سلنه خبریالان او د رسنیو کارکوونکي د رسنیو له خاوندانو سره د خپل قرارداد هېڅ کاپي په واک کې نهلري.
د دې نظرپوښتنې ۸۰سلنه مرکهشویو ویلي، د تروریستي پېښو پوښښ او د اکرامیه حقونو په اړه د رسنیو د تاسیس څرنګوالي او د فعالیت مقررې ۹۸مه ماده کې چې کوم امتیازونه ذکر شوي؛ د رسنیو مدیرانو له لوري نهورکول کېږي.
.jpg)
۶۰ سلنه مرکهشوي هم د خپلو مدیرانو له چلنده راضی نهدي.
خبریاله نوریه نصرت د دغو ستونزو په تاییدولو سره وايي، د خبریالانو حقونه په سمه توګه نهورکول کېږي او اکثره خبریالان اړ دي چې په کمو حقونو سره خپلو کارونو ته دوام ورکړي.
اغلې نصرت د خبریالانو نوکرۍ او اضافهکارۍ په اړه هم شکایت کوي او وايي چې له ۸ ساعتونو د ډېر کار کولو پر مهال اضافه معاش نه ورکول کېږي که په مناسبتي ورځ یا جمعه نوکري وي؛ بېحقوقو کار کوي.
دا نظرپوښتنه د هېواد ۲۴ ولایتونو کې د ۵۰۰ خبریالانو او رسنیزو کارکوونکیو سره شوېده.
