د کلیو، بیارغونې او پراختیا وزارت نن ورځ د خبري غونډې پرمهال د ۴۲ میلیونو افغانیو په ارزښت ۱۸ پراختیايي پروژې له پراختیايي شوراګانو سره لاس لیک کړې.
د کلیو، بیارغونې او پراختیا وزارت ویاند فریدون آژند سلاموطندار ته وویل، دغه پروژې کابل، ننګرهار، کندهار، کونړ او هرات ولایتونو کې د پراختیايي شوراګانو له لوري پلې کېږي.
ښاغلی اژند زیاتوي، د کلیو، بیارغونې او پراختیا وزارت د عمومي سروې پر بنسټ دامهال د هېواد په کچه ۳۴۰۰ کارېزونه وران شوي دي.
د دغه وزارت مسوولان وايي، ننیو لاسلیک شویو پروژو کې د ۱۸ کارېزونو بیارغولو ته ځای ورکړل شوی دی چې د ولایتونو پراختیايي شوراګانو له لوري به رغول کېږي.
