د سهار ۶:۴۰
د افغانستان په شمال ختيځ ولایت کندوز ښار شاوخوا سيمو کې د طالبانو او نورو وسله والو مخالفينو پر ضد چاڼیز عملیات پیل شوي.
دغه عمليات د افغان امنيتي ځواکونو له لوري د ناټو پوځيانو په مرسته تېره شپه چهارشنبه (سپټمبر۳۰مه) د کندوز هوايي ډګر څخه پېل شول.
د کندوز د امنيې قومندانۍ ویاند سېد حسېن سروري سلام وطندار ته وویل، چې افغان امنيتي ځواکونو د ناټو پوځيانو سره یوځای د کندوز ښار په شاوخوا سيمو کې پوځي چاڼیز عملیات پراخ کړي دي.
هغه زياتوي، چې په دغو عملياتو کې وسله والو طالبانو ته درنه مرګ ژوبله اړول شوې ده.
د حسينې په خبره، د تېرو دوو ورځو راهیسې له ۲۰۰ څخه زیات طالب وسله وال وژل شوي او ټپیان دي.
په همدې حال کې د کندوز د عامې روغتیا رییس سعد مختار وايي، چې تر اوسه دوی ته ۱۳۰ ټپيان روغتون ته وړل شوي دي.
سهار ۸:۰۰
د امام صاحب ولسوالۍ د دولتي ځواکونو په ولکه کې شوه. دغه سرحدي ولسوالۍ تېره شپه (چهارشنبه) سقوط کړی و.
د کندوز د امنيې قومندانۍ ویاند په دې هکله وايي، چې د دغو ولسواليو ټولې برخې اوسمهال د افغان امنيتي ځواکونو تر کنټرول لاندې دي او دلته وسله وال طالبان په تېرو څو ورځو نښتو کې درانه تلفات درلودل.
