د کرنې اوبو لګولو او مالدارۍ وزارت مسوولین نن د چاپیریال ساتنې د اوونۍ په مناسبت د کابل ښارحشمت خان کول سیمه د ملي پارک او یوه حفاظتي سیمه اعلام کړه.
دوی وايي، چې له دغه ځایه به د تاریخي سیمې په شان جدي ساتنه وشي.
د یاد وزارت ویاند لطفالله راشد و ویل، چې د حشمت خان کول له ځانګړي اهمیته برخمنه ده او دا به له نورو الوتونکو د نسل ګیرۍ او د حیواناتو د ساتنې ځای وي.
راشد وايي، چې په دغه سیمه کې تر اوسه ۴۰ هکټاره ځمکه د زورواکو له لوري غصب شوې ده او د نيولو له پاره يې هڅې جدي کړې دي.
