د هوا ککړتیا مخنیوي کمېسیون نن خبري غونډه کې په ژمي کې د کابل هوا ککړتیا راکمولو عملیاتي پروګرام اعلان کړ.
دغه کمېسیون له چاپېریال ساتنې ملي ادارې، کابل ښاروالۍ، د کورنیو چارو وزارت، د برېښنا شرکت او نورو اړوند ادارو جوړ شویدی.
خبري غونډې ته د چاپېریال ساتنې ملي ادارې رییس شاهزمان میوندي وویل چې دغه کمېسیون په ژمي کې د هوا ککړتیا کمولو په موخه ۱۱فقرهییز پروګرام جوړ کړیدی.
ښاغلي میوندي زیاته کړه، پهدې پروګرام کې د عامه پوهاوي لوړول، په دولتي ادارو کې د ککړوونکیو توکیو نه سوځول، پر نقلیه وسایطو څارنه، د برېښنا دایمي تامین، د اوبلن ګاز بیې تنظیم او ثابته ساتنه پر اصنافو څارنه، د ترافیکي ګڼېګوڼې مدیریت، د یوې اوونۍ لهپاره د ښارپاکولو عمومي حشرونو جوړول او په دوو وختونو کې د د دولتي کارکوونکيو د کاري وخت تنظیم شامل دي.
د نفوسو تراکم، غیرپلاني وده، د دودجنو توکیو کارول، د شنه چاپېریال کموالی، خام واټونه او ساحې، د بېکیفیته تېلو استعمال او د سترو ښارونو له دې ډلې د کابل ککړتیا لاملونه په ګوته شويدي.
