یو شمېر مدني فعالانو د چهار شنبې پر ورځ ( د ازادې نړیوالې ورځې ) په مناسبت غونډې ته وویل، چې تندروي او زور زیاتې د افغانانو په ټولو کارونو کې ننوتی او په یو عادي کار بدل شوی دی.
د "پي، ډي، او" بنسټ رېیسه فروزان مشعل وايي، هغه څوک چې د تندروي په ناروغۍ اخته شي هڅه کوي چې نور کسان هم په دغه ستونزه کې ښکېل کړي چې پرخبره يې، مسجدونه او دیني مدرسې ددغو تبلیغونو د دود له پاره ډاډمن ځایونه دي.
مشعل وايي، چې بېوزلي او وزګارتیا ځوانان له حساب او سنجش پرته د تندروۍ پرلور بیايي.
خو د حج اوقاف وزیر د دفتر رېیس اشراق حیدري عرب افراط ګرايي ردوي او وايي، چې په هېواد کې ډیری مدرسې او مسجدونه د دولت تر کنټرول لاندې دي.
بلخوا د افغان ښځو له پاره د ملګرو ملتونو استازې الیزا سیگنبایو وايي، دیني تندروي له امنیتي مسایلو زیات ګواښوونکې ده، چې یوازې ورسره د امنیتي ځواکونو مبارزه بسنه وکړي.
د سیګنبایو پر باور، که ښه حکومتوالي او غېر پلوي او سهولت راوستونکي قوانین په دولتي ادارو کې پلي شي ښايي د تندروۍ کچه راټيټه شي.
څه موده وړاندې رپوټونه خپاره شول، چې په کندوز ولایت کې ۶ زره ښځينه و ته د تندروۍ روزنه ورکول کېده او په عیجب ډول په ښار او کوڅو کې ګرځېدلې چې له ځوانانو يي غوښتلي وو له دوی سره یو ځای شي.
