د لویې څارنوالۍ ویاند جمشید رسولي په کابل کې یوې خبري غونډې ته وویل چې د مهسا د قاتلانو په اړه د دوی ادارې خپلې پلټنې بشپړې کړي او نن یې دوسیه محکمې ته وسپارله.
د ښاغلي رسولي په خبره، پهدې دوسیه کې د نور پرمختګ له راتګ نه وروسته به جزیات له ولس سره شریک کړي.
د افغانستان د لویې څارنوالۍ د راپور پر بنسټ، په وروستیو درېیوو کلونو کې د انسانتښتوونې ۵۷۴ پېښې پلټل شوي او په اړه یې یو زر او ۳۳ تنه کسان نیول شوي. د دې رقم ۴۹۴ دوسیې د تېرکال دي چې په اړه یې ۲۳۸تورن کسان نیول شوي. د یو زر او ۳۳ تنو له ډلې ۳۷تنه په اعدام، ۴تنه له ۲۲ نه تر ۲۸کالو بند او ۵۹ تنه نور په ۲۰ کاله بند باندې محکوم شويدي.
مهسا نږدې یوه میاشت مخکې د کابل ښار له ۳۱۵ سیمې تښتول شوېوه.
تښتوونکیو یې د خوشې کولو په بدل کې ۳۰۰ زره ډالر غوښتل؛ خو کله یې ـ چې امنیتي ځواکونه د خوشې کولو لهپاره لاس پهکار شولـ د مهسا تښتوونکي نوموړې وژلې وه. په همدې تور دوې ورځې وروسته د هغې دوه قاتلان ونیول شول چې په خواله رسنیو کې ورته د اعدام د جزا غوښتنه وشوه.
