د سولې عالي شورا د دارالانشا رییس محمد عمر داوودزي نن کابل کې خبري غونډې ته وویل، اوسمهال د مصالحې شورا مشرتابه پلاوي په اړه بحث ـ چې له طالبانو سره د سولې مرکچي پلاوی غوره کړي ـ د حکومت لومړیتوب نهدی.
ښاغلی داوودزی زیاتوي، د مصالحې شورا مشرتابه پلاوي تر اوسه درې رسمي غونډې کړي؛ خو په غونډو کې د شورا غړیو ترمنځ د نظر یووالی نهو.
د سولې عالي شورا د دارالانشا رییس وايي، دامهال د حکومت ټول تمرکز د سولې مشورتي لویې جرګې په جوړېدلو دی چې له جوړېدلو وروسته د سولې په اړه د حکومت دریځ معلومېږي.
په ورته وخت کې د ولسمشرۍ ماڼۍ مرستیال ویاند شاهحسین مرتضوي سلاموطندار ته وايي، هغه مهال به حکومت قطر ته پلاوی ولېږي چې د افغان ملت ملاحظات ومنل شي.
ټاکل شوېوه چې په قطر کې د بینالافغاني سولې غونډه د روانې زېږدیزې میاشتې له ۱۹نه تر ۲۱نېټې وشي؛ خو د قطر حکومت له لوري لغوه شوه. افغانحکومت د دې غونډې لهپاره ۲۵۰کسیز پلاوي نوملړ ټاکلی و.
ورته مطالب:
