د تخار د علماوو شورا یو شمېر غړي وايي چې د مارچ اتمې نمانځل، د «فحشا» خپرولو لامل کېږي.
دوی وايي، د مارچ اتمې په څېر مناسبتونه په ټولنه کې د فحشا له خپرولو سره مرسته کوي او یو شمېر کسان له دې ورځې نه په ګټې اخیستو د اسلام دین ته سپکاوی کوي.
د تخار د علماوو شورا غړی مولوي عبدالمنان وايي، د ښځو په تړاو د پروګرام له جوړوونکیو نه باید پوښتنه وشي او د ښځو چارو ریاست هم وتړل شي.
په همدې حال کې د تخار د علماوو شورا یو بل غړی مولوي صمد د مارچ اتمې په نمانځغونډه کې د ښځو او نارینهوو د حقونو برابر ښودلو په غبرګون کې وايي، یادې څرګندونې د اسلامي ارزښتونو خلاف دي.
د تخار علماوو د یوه پرېکړهلیک په صادرولو سره د مارچ اتمې په ملاتړ د جوړېدونکیو پروګرامونو درولو غوښتنه وکړه او همدا راز یې د جوزجان د هغو مدني فعالانو د پېژندلو او ورته د سزا ورکولو غوښتنه وکړه چې د سنګسار تمثیلي پروګرام یې جوړ کړی و.
اړوند مطالب:
د تخار د عالمانو رییس تر قانوني پلټنو لاندې نه راځي
دیني عالمانو د سمنګانو جشنواره لغوه کړه
د بامیان د عالمانو شورا وايي د دمبورې جشن حرام دی
بغلان کې زیاتره ديني عالمان د نظامیانو جنازه نهکوي
خو د تخار والي فضلالله مجددي وایي، سره له دې چې په دغه ولایت کې د مارچ اتمې په مناسبت په جوړو شویو غونډو کې اسلام ته سپکاوی نهدی شوی، خو د موضوع روښانه کولو لپاره به یوه ډله وګوماري.
د تخار والي او د علماوو شورا هوکړې ته ورسېدل چې د خلکو پر کړنو د څار لپاره به د حکومت او علماوو له استازیو نه یوه ګډه دولس کسیزه ډله جوړېږي.
د تخار دیني عالمان وايي، د مجرمانو لپاره به خپله سزا هم وټاکي.
