د لوګر لاریونوالو سلام وطندار ته وویل چې تېره شپه افغان ځانګړيو ځواکونو د محمداغې ولسوالۍ په ابازک سیمه کې د ملنګ او شهسوار په کورنو ځمکني او هوايي عملیات کړيدي.
دوی وایي، په عملیاتو کې ۸ ملکیان وژل شوي ۱۲ ټپيان او ۱۷ بېګناه یې له ځان سره ژوندي وړي دي.
لاریونوال نورالله تره کی او نقیبب الله وایي، وژل شویو کسانو کې ۶ ماشومان هم شامل دي. دوی ګواښ کوي، کهچېرې د تېرې شپې د ملکيانو د وژنې عاملان مجازات نهشي؛ دوي خپلو مدني حرکتونو ته به دوام ورکړي.
بلهخوا د لوګر د محمداغې ولسوال نورمحمد عبیدي سلام طندار ته وویل چې په یاده پېښه کې ۸ ملکیان وژل شوي او د پېښې د کرهوالي په موخه سیمې ته یو پلاوی استول شویدی.
عبیدي وایي چې په عملیاتو کې وسلهوال مخالفان هم وژل شويدي.
همدارنګه د لوګر د امنیه قوماندانۍ ویاند شاپور احمدزي سلام وطندار ته یوازې د محمداغې ولسوالۍ په ابازک سیمه کې پوځي عملیات مني؛ خو سلګونو لاریونوالو د لوګر د محمداغې ولسوالۍ په زاهداباد بازار کې د کابل – ګردیز لویه لاره تړلې ده.
ښاغلی احمدزی وايي چې عملیات له پلازمېنې رهبري شوي او د ملي امنیت صفر یو قطعې کړي چې د لوګر امنیتي ځواکونو سره پرې همغږي نه وه شوې.
د داسې مهال ده چې په وروستیو کې د لوګر امنیتي وضعیت خراب شوی او ډېر شمېر کورنۍ پلازمېنې کابل ته کډه شوېدي.
