د فاریاب ولایت سلګونو اوسېدونکیو د دې ولایت په مرکز میمنه ښار کې د یوې غونډې په ترڅ کې پرته له کوم شرط او ځنډ څخه هېواد ته د ولسمشر د لومړي مرستیال جنرال دوستم بېرته راستنېدوغوښتنه وکړه.
خبرداری ورکوي، که حکومت خپلو ناوړه سیاستونو ته د پای ټکی کې نه ږدي او هېواد ته د جنرال دوستم راستنېدو زمینه برابره نه کړي، پاڅون به وکړي.
هغوی د فاریاب امنیتي وضعیت په اړه اندېښنه څرګندوي او حکومت یې د هېوادوالو ځاني امنیت خوندیتوب کې په پاتې راتلو تورن کړ.
یو تن اعتراض کوونکی جمال ناصر فرهمند وویل، په دې ورځو کې د فاریاب وضعیت ډېر ترینګلی شوی او هره ورځ د فاریاب ځوانان وژل کېږي خو دولت د هغوی د شهیدانو وینو ته هېڅ پام نه کوي.
.jpg)
د دغې غونډې یو تن بل ګډونکوونکی کنشکا ترکستاني وايي، د ښاغلي دوستم له حضور پرته، افغانستان کې د سولې ټینګښت شونی نه ده او حکومت باید پرته له کوم شرط او ځنډه جنرال دوستم هېواد ته راولي.
دا داسې مهال دی، چې فاریاب کې د ملي امنیت مطبوعاتو په خپله فېسبوک پاڼه کې د یوې خبرپاڼې په خپرولو سره لیکلي چې دغه غونډه یوازې په جنبش ګوند پورې اړوندیږي.
د ملي امنیت مطبوعاتو دفتر همدارنګه ویلي، د جنبش ګوند کسانو خلک او زدهکړیالان په زوره دغې غونډې ته راوستي دي.
