د شمالي کوریا د هستوي ازمایښتونو درولو د نړۍوالو مثبت غبرګون راپارولی. اروپايي ټولنې د شمالي کوریا دا کار مثبت ګام ګڼلی دی. د اروپايي ټولنې د بهرني سیاست مسوولې فدریکا موګریني وايي، هیله لري چې شمالي کوریا د ملګرو ملتونو د امنیت شورا پرېکړهلیک ته احترام وکړي.
د امریکا ولسمشر ډونلډ ټرامپ پهخپلې ټویټرپاڼې لیکلي، د شمالي کوریا د هستوي ازمایښتنو ودرول هم شمالي کوریا او هم نړۍ ته ښه خبر دی.
چین هم د دې پرېکړې هرکلی کوي او دا کړنه په کوریا او سیمه کې د جنګ د کموالي او خلع سلاح په پار ګټور بولي.
د بریتانیا بهرنیو چارو وزارت هم هیله ښودلی چې د شمالي کوریا دا کار به ښه نیت او خبرو اترو ته زمینه برابره کړي.
د شمالي کوریا د رسنیو په حواله، د دې هېواد ولسمشر کیمجون اونګ ویلي، هغه وخت رارسېدلی چې د دې هېواد ټول وګړي او ګوندونه د اقتصادي پرمختګونو په اړه فکر وکړي.
کیمجون اونګ ویلي چې هېواد یې نور د هستوي وسلو ازمایښتونو ته اړتیا ځکه نهلري چې دوی د هستوي وسلو په برخه کې خپلو ټولو موخو ته رسېدلي دي.
د سویلي کوریا ولسمشر مون جي ان او د شمالي کوریا ولسمشر کیمجون اونګ ترمنځ له تیلیفوني اړیکې وروسته دا پرېکړه اعلان شوې.
