د سرپُل ولایتي شورا غړی اسدالله خرم وايي، سنچارک ولسوالۍ دا مهال د طالبانو محاصره کې ده او دې ولسوالۍ ته غځېدلې لارې له څوو خواوو تړل شوېدي.
د هغه په وینا، له تېرو لسو ورځو راهیسې د دې ولسوالۍ «مسجد سبز» او «توپخانه» سیمو کې شاوخوا ۲۰۰ امنیتي ځواکونه هم د طالبانو محاصرې سره مخ شوي.
د سرپُل د سنچارک ولسوالي نقیبالله دقیق دې ولسوالۍ کې د طالبانو تر ولکې لاندې سیمو له زیاتېدلو اندېښنه څرګندوي او وايي، د حکومت ناپامي به د سنچارک ولسوالۍ د سقوط لامل شي.
هاخوا د طالبانو محاصره کې یو شمېر بند پاتې امنیتي سرتېري وايي، د خوراکي توکو او مهماتو له کمښت سره مخ دي.
ورته مطالب:
طالبان سرپل کې له خلکو باج اخلي
داعشیانو په سرپل کې د طالبانو د فاتحې په مراسمو ځانمرګی برید کړی
