.jpg)
جوزجان کې د ټاکنو خپلواک کمېسیون ولایتي دفتر سرپرست رییس حمیدالله بلوڅ وايي، د ناامنیو زیاتوالي له کبله به د دې ولایت یوازې ۵۰ سلنه اوسېدونکي په ټاکنو کې ګډون وکړي.
د نوموړي په وینا، په جوزجان کې ټولټال د رایاچونې ۱۲۹ مرکزونه وو چې په ۶۰ هغو کې یې نوملیکنه شوې او له دې ډلې یې اوسمهال ۷ مرکزونه تړل شوي او په پاتې ۵۳ کې به ټاکنې وشي.
بلوڅ زیاتوي، د ټاکنو په ورځ هېڅ نوماند او ډله د رایاچونې مرکزونو ته د وسلې او تصویرونو د لېږد اجازه نهلري؛ ځکه پهدې سره ټاکنیز محل تړل کېږي او د نوماندانو رایې به باطلې اعلان شي.
په همدې حال کې د جوزجان والي مولوي لطفالله عزیزي ډاډ ورکوي چې په ولسوالیو کې د رایاچونې مرکزونو د امنیت لهپاره ۷۵۰ امنیتي ځواکونه ځانګړي کړي چې ۵۰۰ به یې د ټاکنیزو مرکزونو امنیت ساتي او پاتې ۲۵۰ به یې پر ټاکنیزو مرکزونو احتمالي بریدونه مهاروي.
بلخوا د جوزجان امنیې قومندان فقیرمحمد جوزجاني ولسوالیو ته د ټاکنیزو مرکزونو د حساسو او غیرحساسو توکو لېږدولو خبر ورکړ او زیاته یې کړه چې د رایاچونې مرکزونو ته رسېدلي او سیمه هم تر امنیتي پوښښ لاندې ده.
.jpg)
دا په داسې حال کې ده چې له جوزجان ولایته ولسي جرګې ته یوشمېر نوماندان د دې ولایت په ولسوالیو کې د ناامنیو په اړه اندېښنه ښيي او وايي طالبانو د خبرتیاوو له لارې له خلکو غوښتي چې په ټاکنو کې ګډون ونهکړي.
