په بغلان ولایت کې د رایورکوونکیو د نوملیکنې ثبت بهیر نه ۵ ورځې تېریږي؛ خو تراوسه د دې ولایت په ۵ ولسوالیو کې د نوملیکنې مرکزونه نهدي پرانیستل شوي.
د بغلان ولایت دهنهغوري ولسوالۍ د طالبانو تر کنټرول لاندې ده. دغه راز تالهوبرفک ولسوالۍ په تازهګۍ دولت تر خپل کنترول لاندې راوستې ده؛ خو ګذرګاهنور، خوست او فرنګ ولسوالۍ د سېلابونو او لارو بندېدلو له امله پهدې ۵ ولسوالیو کې د نوملیکنې مرکزونه نهدي فعاله شوي.
د دې ولسوالیو ځېنې استوګن د نوملیکنې مرکزونو پر نه پرانیستلو نیوکې کوي او وايي، کمېسیون باید له هرې ممکنې لارې لومړی د نوملیکنې اړوند توکي ثبت مرکزونو ته رسولي وی.
د خوست ولسوالۍ دوه تنه اوسېدونکي شېراغا او محمداکبر وايي، پهدې ولسوالۍ کې شاوخوا ۹۰ زره په شرایطو برابر رایورکوونکي ژوند کوي، که د دوی برخلیک ته پام ونهشي؛ حکومت به د خلکو د غږ د اورېدلو په برخه کې بېغورۍ تورن شي.
د بغلان ولایت د یو مدني بنسټ مشر محمدعثمان شېرزی خبرداری ورکوي چې د خلکو په برخلیک لوبه د حکومت لهپاره یوه خطرناکه لوبه وي.
په ورته وخت کې د بغلان د ټاکنو کمېسیون ولایتي دفتر رییس ملک حنفي هم تاییدوي چې د دې ولایت یوازې په ۹ ولسوالیو کې د ټاکنو لهپاره د نوملیکنې مزکزونه پرانېستي دي. خو دی دا هم وايي، په چټکۍ سره هېڅې روانې دي چې په پاتې ولسوالیو کې هم د نوملیکنې مرکزونه پرانیستل شي.
بغلان کې د ټاکنو خپلواک کمېسیون ولایتي دفتر رییس همدارنګه زیاته کړه، د رایورکوونکیو د نوملیکنې بهیر له پیلېدو تر اوسه شاوخوا ۷۰۰۰ کسانو دې ولایت کې نوملیکنه کړېده.
