.png)
د مرکزي بغلان د قند فابریکه ـ چې هرکال یې د افغانستان د بورې ۳۰ سلنه تولید لرلو او لسګونو کسانو پهکې کار کولو ـ د افغان حکومت د پرېکړې پر اساس تړل شوېده.
د دې فابریکې دوه کارګران سردار او احمد شاه سلام وطندار ته وایي چې د حکومت بېپروایي او د مدیریت کمزورتیا د دې لامل شوېده چې د قند فابریکه له رکود سره مخ شي او حتا د دې فابریکې د شاوخوا ۴۰ کاریګرو معاش ور نهکړل شي.
یو تن بزګر محمد عالم ـ چې پخوا یې پهخپلو ځمکو کې جغوندر کرل ـ وايي، له څو کلونو راهیسې د حکومت د نه پاملرنې له امله خپلو ځمکو کې جغوندر نه کري.
.png)
خو د بغلا د قند فابریکې مشر غلام سخي د زورواکیو له لوري د دې فابریکې اړوند د شاوخوا ۴ زره هکتاره ځمکې غصب او نباتي ناروغۍ د دې فابریکې د تړل کېدو لاملونه ګڼي.
د ده په وینا، که له همدې ځمکو حاصل ترلاسه شویوی؛ فابریکې هیڅ کله زیان نه لیدلو.
د بغلان د قند فابریکه په ۱۳۲۰ لمریز کال کې تولید پيل کړ. دغه فابریکه له ۱۳۸۵ تر ۱۳۹۵ لمریز کال پورې د خصوصي سکتور له لوري مدیریت کېدله.
