دغه کمپاین د بشري حقونو د یو شمېر فعالانو له خوا پيل شوی موخه یې په لوړو دولتي څوکیو کې د مېرمنو ونډه، په اقتصادي او حقوقي برخو کې د مېرمنو د ظرفیتونو لوړل دي.
د دغه نړیوال کمپاین په چارو کې د مېرمنو او ماشومانو لهپاره د مرستو مسووله ناجیه کریمي وايي، حکومت باید د مېرمنو پروړاندې شته خنډونه لرې کړي او د رهبرۍ او مدیریت برخه کې د روزنې زمینه برابره کړي.
مېرمن کریمي په کابل کې د دغه کمپاین پرانیست غونډې ته وویل، په سیاسي او ښوونیزو برخو کې د مېرمنو ونډې زیاتوالی د دغه کمپاین مهمه موخه ده.
د اروپايي ټولنې غړی جان لوکا چې په دې غونډه کې يې ګډون درلود وايي، دغه کمپاین یوازې په کابل پورې محدود نه دی، بلکې د افغانستان ۳۴ ولایتونو ته به هم وغځيږي.
د دغه کمپاین غړي له دولت غواړي د ولایتي شورا په ټاکنو کې دې مېرمنو ته ۲۵ سلنه ونډه ورکړي.
هغوی دغه راز، د ټاکنو قانون د هغې مادې د تعدیل غوښتنه هم وکړه، چې په سیاسي چاروکې کې دې د مېرمنو ونډه محدودوي.
د ټاکنو قانون دغې ماده کې راغلي د ولایتي او ولسوالیو د شوراګانو او ښاروالۍ پوستونو لهپاره نومانده مېرمن باید له دولسم ټولګي فارغوي.
د مېرمنو دغه نړیوال کمپاین د بشري حقونو او مدني ټولنې شبکې او دغه راز د کاسپي او هاکا موسېسو د اروپايي ټولنې په مالي ملاتړ افغانستان کې ترسره کېږي.
