د انګلستان په کوربتوب د فوټبال سترې پریمیرلیګ سیالیو ۲۵ پړاو لوبې پرون د انګلستان په بېلابېلو ښارونو کې پیل شوې.
د لومړۍ اونۍ په لومړۍ ورځ ۷ سیالۍ ترسره شوې، چې هل، سوانسیا، ویسټ بروم او مانچسټرسیټي لوبډلو بریاوې خپلې کړې.
د دغو ۴ سیالیو ترڅنګ ۳ لوبې په مساوي توګه پاې ته ورسېدې، چې نن په پلان شویو ۲ لوبو کې مانچسټریونایټېد له بورنموت او لیورپول له ارسنال لوبډلې سره لوبیږي.
د انګلستان په فوټبال غوره لیګ سیالیو کی ټولټال ۲۰ لوبډلې برخه لري چی ۱۹ یې د انګلستان او ۱ لوبډله بیا د ویلز هېواد څخه په دې سیالیو کې برخه لري.
د سږکال په انګلستان فوټبال غوره لیګ سیالیو کی لیسټر سیټي له خپلې تېرې اتلولۍ دفاع کوي.
د انګلستان فوټبال غوره لیګ سیالیو په تاریخ کی ترټولو مخکښه لوبډله مانچسټریونایټېډ ده، چې ۱۳ ځلې یې د اتلولۍ جامونه ګټلي دي.
یادې لوبډلې د سږکال فوټبال غوره لیګ سیالیو له پاره د فرانسوي فوټبال لوبغاړي ۲۳ کلن پال پوګبا هم پیرلی، چې د فوټبال په تاریخ کې په لوړ ۱۰۰میلیونه پونډه واخیستل شو.
دغه پیسې د فوټبال په تاریخ کې ترټولو زیاتې پیسې دي، چې تراوسه په تجارتي فوټبال سیالیو کې د کوم فوټبال لوبغاړي د اخیستلو له پاره ورکول کېږي.
د فوټبال په ډګر کې مینوال او په ځانګړې توګه د مانچسټریونایټېډ لوبډلې د منیجر جوز مورینو په دې پرېکړې حیران دي.
د مایک کیګن په نوم د فوټبال کارپو د انګلستان ډیلي میلز وېبپاڼې سره په خبرو کې ویلي، دا ډېرې زیاتې پیسې دي، یوازې یو بهترینه او پرېکړه بدلوونکي لوبغاړي ته ورکړل شي.
د کیګن په وینا، که دغه پیسې کرېسټیانو رونالډو، لویس سواریز او یا هم ګیریت بیل ته ورکړل شوې وای، نو یقینا چې په ځای به لګول شوې وې.
