اسټرالیا او کوریا د اسیا په کچه د فوټبال اتلولۍ لپاره لوبیږي
د اسټرالیا هیواد په کوربتوب د اسیا فوټبال جام سیالۍ وروستي پړاو ته ورسیدی چی پکښی کوربه اسټرالیا او سویلي کوریا داتلولۍ ترلاسه کولو په موخه وروستۍ (فاینل) لوبې ته لاره پیدا کړه.
د سیالیو د رسمي ویبپاڼې د معلوماتو له مخې چې ددی سیالیو په لومړۍ نیمه پای لوبه کی سویلي کوریا د یوی په زړه پوری او یو اړخیزې لوبې وروسته ۲-۰ عراق ته او نن (سه شنبه دسلواغې ۷) له ددی سیالیو په دوهمه نیمه پای لوبه کی په ورته پایلې سره کوربه اسټرالیا د خپلو نیږدی ۲۲ زره نندارچیانو پر وړاندې د عربي اماراتو فوټبال ملي لوبډله له ماتی سره مخ کړه.
د ورکړل شویو معلوماتو له مخې چې پدې سیالیو کی به دواړه اسټرالیا او سویلي کوریا دراتلونکې پنجشنبې په ورځ (دسلواغې ۹)د اتلولۍ ترلاسه کولو په موخه د لوبې ډګر ته ووځي.
د اسیا په فوټبال جام سیالیو کی ددی وچی ۱۶ مخکښو فوټبال ملي لوبډلو برخه لرله چی د روانې عیسوي جنورۍ میاشتی په ۹ مه نیټه په ۴ بیلا بیلو ګروپونو کی پیل شوی او د جنورۍ په ۳۰ مه نیټه به د اتلی لوبډلې په اعلان پای ته ورسیږي.
