هرات دین عالم‌لریدن بیرقطاری دوشنبه کون بیر ییغینده مملکت امنیتی کوچلریدن حمایت بیلدیریب ایتیش‌لریچه، افغانستان قوشنی‌لری قوی تیری سیده‌گی بوری دیر، دوست‌لیک، تیل و مدنیت‌دن ایش آلیب افغانستان حکومتی و امنیتی کوچلرگه زیان ییتکیزه‌دی.
اولرهیچ بیر مملکت‌دن آت توتمه‌یدی. بیراق اولرگه کوره، قوشنی مملکت‌لر استخباراتی دین و مذهبدن ایش آلیب افغانستان‌ده انسان سیزلیک ایشلرگه قول اوره‌دی.
دین عالم‌لریدن بیری مولوی محمد محمدی‌نینگ ایتیشیچه، افغانستان امنیتی کوچلری و تینچ اهالیسی قوی تیری‌سیده بولگن بوری قوشنی‌لریدن کوپلب زیان کورگنلر.
اونگه کوره، دوست‌لیک و اینی‌آغه‌لیک ادعاسینی قیلگن قوشنی‌لر، هر بیر یولدن بولسه افغانستان خلقی‌گه زیان ییتکیزه‌دی.
اوشبو دین عالم‌لری، ملی بیرلیک حکومتی و امنیتی کوچلردن حمایت بیلدیریب، امنیتی کوچلر اورته‌سیده‌گی اویغورسیزلیک، حربی کوچلرگه حکومت دقت سیزلیگی، حکومت ایچیده بولگن اداری فساد و دین عالم‌لری تامانیدن حکومت حمایت بولمه‌گنیدن تنقید قیلگنلر.
دین عالم‌لریدن باشقه بیری مولوی مستغنی‌نینگ اوشبو ییغینده ایتیشیچه، «دین عالم‌لری امنیتی کوچلر و سیلاو توزومی‌دن حمایت قیلیشی یانیده، دولت‌دن‌هم تنقید قیله‌دی؛ برچه بیله‌دی، عالم‌لر حمایتی غم‌خوارلیک، ضرورت دیر. چونکه باشقه هیچ بیرچاره یوق دیر».
بو ییغینده حضور تاپگن عالم‌لر خلق‌دن مملکت امنیتی کوچلری‌نینگ حمایت ایتیش‌لرینی سوره‌دی.
عین حالده، هرات ولایتی حج و اوقاف ریاست باشلیغی سید عبدالواحد عاصمی‌نینگ ایتیشیچه، دین عالم‌لری افغانستان‌نی حاضرگی وضعیت‌دن قوتقریش اوچون جامعه‌ده توزوم حاکم بولیشینی ایسته‌یدی.
اونینگ کوپه‌یتیریشیچه، اوروش ییچیم یول ایمس، شونینگ‌دیک اولر افغانستان اوروشیده ایکی تامان اوروشه‌دیگنلر اورته‌سیده اوروش توخته تیلیشی‌نی سوره‌گنلر.
بوندن آلدین‌هم قوشنی مملکت‌لر بیرقطار کیشی‌لر تامانیدن خیانت‌گه عیب‌لنگن ایدی. گزارشلرگه کوره، ایران و پاکستان عصیانچی گروه‌لردن افغانستان اوروشیده حمایت قیله‌دیلر.
