افغانستانلیک مینگ‌لب دین عالمی ییریک ییغین اوتکزیب قوشنی مملکت‌لر تامانیدن حمایت ایتیله‌دیگن جنگری‌لرگه قرشی ملی کوچلرنینگ آلیب باره دیگن اوروشی‌نی «جهاد» دیگن‌لر.
سانی تورت مینگ‌دن آرتیق بولگن مذکور دین عالم‌لری بوگون (پنج‌شنبه) کابل‌ده بیر ییریک ییغین اوتکزیب، افغانستان ملی کوچلرینی حمایت قیلگن‌لیکدن تشقری، افغان ملی کوچلری برابریده قوشنی مملکت‌لر حمایتی اساسیده اوروش قیله‌دیگن‌لر، آچیق روش‌ده افغانستان دولتی همده اهالیسی‌گه قرشی تجاوز دیگن‌لر.
مذکور ییغین‌ده اشتراک قیلیب سوزله‌گنلرنینگ ایتیشیچه، اوروش جبه‌سی، کیم‌لیک، مستقل‌لیک، جان، مال و اهالینی مدافعه قیلیش جهاد دیب اتله‌دی و هر بیر افغانستان یشاووچی‌سی قوشنی مملکت‌لردن حمایت ایتیلیب مملکت‌گه هجوم قیله دیگن‌لر مقابلی‌ده توریب اوروش قیلیش اوچون ییریک مسوولیتی بار.
بوگون‌که ییغین‌ده نطق سوزله‌گن دین عالم‌لریدن حسین محقق‌زاده‌نینگ ایتیشیچه، منطقه و قوشنی مملکت‌لر حمایتی اساسیده افغانستان خلقی‌نی اولدیره دیگن‌لر بیگانه‌لرنینگ هدفینی افغانستان‌ده علم‌گه آشیریش اوچون سعی وحرکت ایته‌دیلر.
افغانستانلیک دین عالم‌لردن باشقه بیری‌سی عبدالظاهرحقانی‌نینگ سوزلریگه کوره، خارج مملکت‌لر تامانیدن سوء استعمال ایتیله دیگن ترورچی‌لرگه قرشی اوروش قیلیش فرض دیر و مملکت دین عالم‌لری هم ملی کوچلرنی حمایت قیلیب قربان‌لیک بیریش اوچون تیارلر.
اوشبو ییریک ییغین‌ده قتنشگن‌لر تورت ماده‌لیک بیر قطعنامه اوقیش بیلن مملکت‌نینگ برچه دین عالم‌لریدن بیر قول بولیب، افغانستان دشمن‌لری توغریسی‌ده مبارزگه گه تیار بولیش‌گه چقیرگن‌لر.
بو بیرینچی مرته افغانستانلیک دین عالملر قورال‌لی طالبلر همده باشقه ترورچی گروه‌لرگه قرشی جهاد فتواسی‌نی صادر قیله‌دیلر. بوندن نیچه کون آلدین قطار دین عالم‌لری ملی کوچلر قاتل‌لرینی اولدیریش جایز دییه حکم صادر قیلگن ایدی‌لر.
