خوفسیزلیک و عدالت سیلاو تیمی رهبری رحمت‌الله نبیل کابل‌ده خبری بیر ییغینده ایتیشیچه، سیلاو تیرمه‌جماعه‌لریدن بیری ملت پولی‌دن ایریم موضوعلر آتی‌ده سیلاو کمپاینی اوچون 40 دفتر ایجاد قیلگن.
اونینگ ایتیشیچه، مذکور دفترلر حزب‌لر و نهادلر آتی‌ده کریدت کارت پولی و یا-ده چیت‌ایللیک مملکت‌لرنینگ اطلاعتی پولی آرقه‌لی، ایجاد ایتیلگن.
جناب نبیل نینگ کوپه‌یتیریشیچه، میلیونلرچه دالر ارزشی بولگن قراردادلر قطار کیشی‌لرنینگ حمایت قیلیشی اوچون اولرگه بیریله‌دی.
نبیل نینگ ایتیشیچه، ملی بیرلیک حکومتی‌نینگ ایش دوری جاری ییل 1 جوزا ده یکونلنگن و اوشبو حکومت رهبرلرینی دولتی امکانیت‌لردن قوله‌نیش اوچون حقی یوق دیر.
جمهورلیک ریاستی سیلاوی نینگ اوشبو نامزدینی ایتیشیچه، سیاستچی‌لر و حکومت تینچلیک سوزلشوولریده طالبان تامانیدن الدنمه‌سینلر.
بیراق، جمهورلیک ریاستی سوزلاوچسی اورین باسری، شاه‌حسین مرتضوی جناب نبیل نینگ ادعالرینی رد قیله‌دی. اونینگ ایتیشیچه، حکومت هیچ‌قندی کمپانی باشلمه‌گن.
بوندن آلدین جمهورلیک ریاستی نامزدلریدن بیرقطاری، اعلامیه ترقه‌تیش بیلن ملی بیرلیک حکومتی‌نینگ ایش دورینی یکونلنگنی‌نی بیلدیریب و جمهور رییس‌دن قدرت‌دن چیکیلیشی‌نی سوره‌گن ایدی‌لر.
