فاریاب ولایتی‌ده اوروش‌نی رهبرلیک قیله دیگن جمهور رییس‌نینگ بیرینچی اورین باسری جنرال عبدالرشید دوستم ولایتده دولت اداره‌سیده بولگن حدودلرنی سقوط قلیشی‌نینگ ینه بیر سببی ایریم قوماندانلر تامانیدن حربی اوسکونه‌لر همده پوسته‌لر طالبلرگه ساتیلیشی‌گه دیب بیله‌دی.
فاریاب ولایتی نینگ غورماچ تومنیده شاهین 209 قول اورد قوماندانی مهمند کتوازی باشچیلیگیده اوتکزیله دیگن عملیات جمهور رییس بیرینچی اورین باسری آرقه‌لی نظارت ایتیله‌دی.
غورماچ تومنیده‌گی چینایی‌لر حربی قرارگاهیده خبرچیلر بیلن صحبت قیلگن جنرال دوستم معین شخص نامینی تیلگه آلمسدن ولسواللیکده هر بیر حربی و ناحربی اداره‌نینگ مسوولی وظیفه‌گه بی‌فرق یانشده‌گن بولسه عدلی وقضایی اداره‌لرگه تانیشتیریله‌دی دیدی.
غورماچ تومنی سقوط قیلیشی‌نینگ اصلی عاملی اورگه نیلیشی اوچون ایکّی قاره‌لاوچینی اوزی بیلن بیرگه آلیب بارگن جنرال دوستم ولسواللیک سقوط قیلیشی‌گه سبب بولگن کیشیلر جزالنه‌دی دیگن.
شونینگ‌دیک جمهور رییس نینگ بیرینچی اورین باسری عملیاتده هنوزگچه دولت قوراللی مخالفلری نینگ 10 ته‌سی اولدیریلگن و 50 ته‌سی ایسه تن جراحتی آلگن لیگینی بیلدیرگن.
عین حالده، جنرال دوستم عملیاتده امنیتی کوچلر، ملی اردو و مردمی کوچلر داخل اون بیش کیشی قربان بولگنی و 18 حربی یرلنگن لیگینی بیلدیرگن.
حاضر غورماچ تومنیده 600 جنگری طالب بارلیگینی ایتگن جنرال بو جنگریلر پاکستانلیک شیخ‌لر تامانیدن رهبرلیک قیلینه‌دی دیگن.
ایتیلیشیچه، غورماچ‌ده‌گی چنیایی‌لر حربی قرارگاهیده 20 کون دولت قوراللی مخالفلرقملیده قالگن افغان حربیلری مرکزی حکومت نینگ اعتبار قره تمه‌گن لیگیدن شکایت ایتگنلر.
آزیق – آوقت همده حربی انجاملری تمام بولگن قورشاووده گی حربیلر مقاومت نینگ سونگی دقیقه‌لریده جمهور رییس نینگ بیرینچی اورین باسری تامانیدن قوتقریلگن لیکلرینی بیلدیرگنلر.
غورماچ تومنی جنگری طالبلر اشغالیگه اوتیشی تورتینچی مرته جمهور ریسس بیرینچی اورین باسری ایاغینی فاریاب‌گه تارتدی. افغان ملی کوچلری آرقه‌لی بعضی قیشلاقلری ملی کوچلر قولیگه اوتگن بیر پیت‌ده جناب دوستم هنوز هم تومن نینگ ایریم حدودلری قوراللی طالبلر قولیده دیگن.
