.jpg)
فاریاب ولایتی‌گه ییتیب بارگن جمهور رییس بیرینچی اورین باسری جنرال عبدالرشید دوستم‌نینگ ایتیشیچه، کیله‌جک ییل‌نینگ حمل آیی‌ده عراق، سوریه و لبنان مملکت‌لریدن کمیده 7 مینگ داعش افغانستان‌گه کیله‌دی و اولرنینگ کوپینچه‌سی فاریاب، سمنگان، جوزجان، سرپل و بلخ ولایت‌لریده جایله‌شی ممکن.
جناب دوستم، اوتگن کون (جمعه) فاریاب‌گه ییتیب بارگن و کیچ قورون مذکور ولایت‌نینگ قیصار تومنی‌ده خبری بیر ییغین اوتکزیب ایتیشیچه، حکومت بو موضوع خصوصیده جدی شکلده دقت قیلیشی کیره‌ک.
جمهور رییس بیرینچی اورین باسری‌نینگ کوپه‌یتیریشیچه، ایکی کون ایچیده طالب‌لرنینگ نظارتی‌ده بولگن منطقه‌لرنی تازه‌لب و فاریاب‌ده داعش جنگری‌لرینی باشقریش اوچون امنیتی پوسته‌لر ایجاد ایته‌دی.
.jpg)
تورت کون آلدین، (20- میزان) طالب‌لر غورماچ تومنی اوستیگه هجوم قیلگن ایدی و نتیجه‌ده تومن بناسی و پولیس قومندانلیگی‌نی نظارت‌گه آلگن‌لر.
قاره‌لاوچی‌لردن بیرقطاری‌نی اوزی بیلن فاریاب‌گه آلیب بارگن جنرال عبدالرشید دوستم‌نینگ ایتیشیچه، غورماچ سقوطی سبب‌لرینی تیکشیره‌دی و اورغولشیچه، مذکور تومن سقوطی عامل‌لرینی جزالنتیریب و طالب‌لرگه قرشی مقاومت قیلگن‌لرنی آلقیش‌له‌یدی.
جمهور رییس بیرینچی اورین باسری‌نینگ ایتیشیچه، بوگون (شنبه) کیچ قورون‌گچه غورماچ ییقینی‌ده‌گی چینی‌لر قرارگاهی‌گه ییتیشه‌دی و بو تومن‌نی تازه‌لش اوچون عملیات یولگه قویه‌دی.
اوشبو عملیات‌ده، جمهور رییس بیرینچی اورین باسری‌نینگ خاص قوروقچی‌لری شامل حربی کوچلر و مردمی کوچلردن تشکیل ایتیلگن کمیده 4 مینگ کوچ اشتراک ایته‌دی.
