قطرده طالبان گروهی نینگ سیاسی دفتری سوزلاوچیسی محمد نعیم نینگ ایتیشیچه، ایکی تامان نینگ تماس گروه‌لری اوتگن کون آجندا و فنی مساله‌لر خصوصیده صحبت قیلگن، بیراق بیرقطار توسیق‌لر حاضرده هم موجود.
طالبان سیاسی دفتری نینگ سوزلاوچیسی، قیین‌چیلیک‌لر خصوصیده صحبت قیلمه‌گن، بیراق تماس گروه‌لر مذکور قیین‌چیلیکلرنی حل قیلیش اوچون سعی و حرکت قیله‌دی دیگن.
عین‌حالده، سیاسی ایش بیلرمانلردن بیرقطاری نینگ ایتیش‌لریچه، تینچلیک سوزلشوولرنینگ طولانی بولیشی طالبان منفعتی‌گه دیر، انه‌شو سبب سوزلشوولر تیزلیک‌که نتیجه بیرمه‌یدی.
سیاسی ایش بیلرمانلردن بیری حکمت‌الله شهباز نینگ ایتیشیچه، طالبان مذاکره قیلیووچی هیاتی تینچلیک سوزلشوولر طولانی بولیشی‌نی ایسته‌یدی، چونکه سوزلشوولرنینگ طولانی بولیشی طالبان منفعتی‌گه دیر.
اونینگ کوپه‌یتیریشیچه، طالبان گروهی سیاسی و حربی بولیم ده یوتوق قولگه کیریتیب و اعتبارلرینی دنیا ده کورسه‌تیش اوچون سعی و حرکت قیله‌دی.
بیراق، طالبان گروهی نینگ سابق اعضاسی سیداکبر آغا نینگ ایتیشیچه، افغانستان اوروشی اوزون مدتدن بویان دوام قیلماقده و سوزلشوولرنینگ تیزلیک‌که نتیجه بیریشی ناممکن دیر.
سیاسی ایش بیلرمان‌لر، تینچلیک سوزلشوولرنینگ دوام قیلیشینی طالبان منفعتی‌گه بیلیب ایتیش‌لریچه، افغانستان‌لیکلر ارا سوزلشوولر قیین‌چیلیک بیلن روپه‌ره بولگن حالده، مسوول حکومت دیر.
ایتیلیشیچه، قطر ده افغانستان حکومتی و طالبان گروهی آره‌سیده تینچلیک سوزلشوولر باشلنگنیدن سونگ، مملکت کوپ قطار ولایت‌لریده طالبان نینگ هجومی کوپه‌یگن.
بیرلشگن ملت‌لر تشکیلاتی، آمریکا و باشقه بیرقطار مملکت‌لر طالبان گروهی دن آتیش‌کیسین اعلان قیلیشینی سورهگن، بیراق طالبان گروهی آتیش‌کیسینی رد قیلگن.
