.jpg)
دنیا تجارت اتاقلری‌نینگ افغانستان‌ده‌گی مسووللری، چهارشنبه کونی کابل‌ده اوتکزگن خبری انجمن‌ده، برقرار رواجله‌نیش مقصدلری عملی بولیش نیت‌ده اون اوچ ییل آقیمیده 12 تریلیون دالر صرفلنیشینی ایته‌دیلر. تشکیلات‌گه اعضا دولتلرگه اقتصاد اوچون یخشی بیر امکانیت حسابلنه‌دی دیدی ساحه‌نینگ مخصصلری.
تشکیلات نینگ بلند مرتبه‌لی اعضالری، اوشبو مدت ایچیده 169 مخصوص هدف 2017 شاخص بو مملکت نینگ خصوصی بولیمیده عملی بوله‌دی دیگنلر.
دنیا تجارت عامل اتاقی نینگ افغانستان‌ده‌گی هیات باشلیغی عبدالقدیر بهمن، برقرار هدف، مملکت‌ده دایمی رواجله‌نیش و تجارت ساحه‌سیده سرمایه یاتقیزیش اوچون ایجابی بیر آدم حسابله‌نیشی باره‌سیده تاکید قیلگن.
جناب بهمن، حکومت‌دن بیرلشگن ملتلر تشکیلاتی نینگ برقرار رواجله‌نیش لایحه‌سی‌گه بیرینچی اولویت بیریشی خصوصیده علحیده اورغوله‌گن.
ییغین‌ده گپیرگن افغانستان اقتصاد وزیرلیگی نینگ سوزلاووچیسی سهراب بهمن، افغانستان حکومتی اوشبو نیت عملی بولیشی اوچون مدنی جماعه‌چیلیک همده خصوصی بولیم بیلن بیرگه لیک‌ده ایش قیله‌دی دیدی.
.jpg)
افغانستان‌ده بیرلشگن ملتلر تشکیلاتی نینگ برقرار رواجله‌نیش مقصدی ملی بیر حجت دیر، برنامه توزیش‌دن عبارت بیرینچی باسقیچ نینگ ایشی نهایی بولگن دیدی جناب بهمن.
شونینگ دیک جناب بهمن، 150 شاخص 8 بولیم 17 هدف‌دن عبارت برقرار رواجلنه‌نیش مقصدی افغانستان حکومتی آرقه‌لی اورگه‌نیلگن لیگینی تیلگه آلگن.
مملکت اقصاد وزیرلیگی نینگ سوزلاووچیسی، بیرلشگن ملتلر تشکیلاتی نینگ برقرار رواجله‌نیش هدفلری عملی بولیش مقصدیده حکومت کیلگوسی ایکی آی ایچیده عملی ایشلرینی باشله‌یدی دیگن.
دنیا تجارت اتاقی نینگ افغانستان وکیللری، مینگ ییللیک رواجله‌نیش لایحه یانیده، بیرلشگن ملتلر تشکیلاتی نینگ برقرار رواجله‌نیش لایحه‌سی، تشکیلات‌گه اعضا دولتلر اوچون عملی بوله دیگن برنامه لردن حسابلنه‌دی دیگنلر.
اقتصاد وزیرلیگی نینگ مسووللری، میلادی جاری ییل نینگ جولای آییده بیرلشگن ملتلر تشکلاتی آرقه‌لی نیویارک‌ده اوتکزیشی کوتیله دیگن ییغین‌ده افغانستان حکومتی نینگ هیاتی اشتراک قیلیب، بو بولیمده‌گی رواجله‌نیشلر توغریسیده معلومات بیره‌دی دیدیلر.
