بالهلر حقلریدن حمایت ایتیش لایحه مسوولی یاسین محمدینینگ بوگون "شنبه" خلقارا انسان قاچاقیگه قرشی کورهش مناسبتی اوچون کابلده یولگه قویلگن ییغینگه ایتیشیچه، ارقام لرگه قرهگنده، دنیا بویچه هر 30 ثانیه‌ده بیر کیشی انسان قاچاقیگه قربان بولهدی و قربانلیکلردن 71 فایزینی عیاللر و بالهلر تشکیل بیرهدی.
جناب محمدی گه کوره، جاری ییل جولای آیده امریکا تشقی ایشلر وزیرلیگی تامانیدن ترقهلگن گزارشی گه کوره، انسان قاچاقی خصوصیده افغانستان دنیا ده ایکینچی مقامگه قرار تاپگن.
عینحالده، اجراییه ریاستینینگ مصلحتچی سی احمدنور واقفنینگ ایتیشیچه، بنگیوار ماده لر و قورال قاچاقی دن سونگ انسان قاچاقی خطرلی بولگن پدیده لردن دیر و اوشبو قیینچیلیک نی افغانستانده بیرینچی قیینچیلیککه اوزگریلیشی ممکن.
جناب واقف گه کوره، افغانستان قانونیگه، انسان قاچاقی آغر جریملردن دیر و اوشبو جرایمگه عیبلنگن کیشیلرنینگ اوزن مدت قمروگه قالیشی ممکن.
اجراییه ریاستینینگ مصحلتیچی سیگه کوره، دنیا بویجه انسان قاچاقینینگ هرییلده 40 میلیارد دالر درآمدی بار.
