جاری میلادی ییل‌نینگ 12- عقرب آیی‌ده، دشت‌قلعه تومنی‌نینگ ییرلر اداره‌سی تخار ولایت مقامی‌گه بیرنامه یوباریب 240 جریب‌دن آرتیق ییرنینگ غصب ایتیلگنی‌دن خبر بیرگن.
سلام‌وطندار اختیاری‌گه قرار تاپگن مذکور نامه گه کیلیشیچه، سونگی ایکی آی‌ده دولتی بولگن 240 جریب ییر دشت قلعه شاروالی سید خیرالدین، مذکور تومن اجرائیه مدیری نقیب‌الله و بلدیه مهندس‌لری تامانیدن غصب بولیب و حاضر اوشبو ییرلر اوستیگه اوی‌لر قوریلماقده دیر.
نامه گه ایتیلیشیچه، بلدیه اداره‌سی رستاق تومن بدرغه‌لریگه ییر ترقه‌تیش نی بهانه قیلیب ییرلرنی غصب قیلگن.
دشت قلعه تومنی‌ده مدنی فعال‌لردن بشیراحمد بشارنینگ سلام‌وطندارگه ایتیشیچه، محلی اداره مسئولری و ییر مافیاسی، اوروش و ناتینچلیک‌دن فایده‌لنیب دشت‌قلعه شهری‌نینگ رواجلنتریش منطقه‌سینی ساتگن‌لر.
محل یشاوچیلری‌نینگ ایتیشیچه، دشت‌قلعه تومنی‌ده ییل‌لردن بویان ییرترقه‌تیش و دولتی ییرلر غصب ایتیلیشی نی دوامی بار و بو مدت‌ده اوشبو تومن‌نینگ ایریم بولیمی‌ده یوزلرچه جریب دولتی ییر ساتیلگن. بیراق، بو پروسه سونگی پیت‌لرده ناتینچلیک کوپه‌یگنی باعث، کوپ بولگن.
کوپینچه سعی و حرکت‌میز بیلن دشت قلعه شاروالی سید خیرالدین بو توغریده صحبت بیرمه‌دی.
بیراق، مذکور تومن‌نینگ اجرائیه مدیری نقیب‌الله بو قضیه حقیده قولی بارلیگی‌نی رد قیلیب ایتیشیچه، دشت‌قلعه شاروالی جمهورلیک ریاستی‌نینگ بویروغی اساسیده، رستاق تومنی‌ده ییر قیمیرلش باعث بدرغه بولگن‌لرگه 118 نمره ییر ترقه‌تگن.
دشت قلعه تومن ولسوالی عبدالمناف فیضی‌نینگ ایتیشیچه، مذکور بویروغ‌نینگ تخنیکی ایشلری حاضرگچه نهایی بولمه‌گن.
جاری ییل‌نینگ عقرب آیی‌ده تخار محلی اداره‌سی تامانیدن تخار حاکمی اورین‌باسری فرید ذکی‌نینگ امضاسیده، دشت‌قلعه تومنی‌ده یوباریلگن باشقه بیر نامه‌ده، اوشبو تومن محلی مسئولری دولتی ییرلرنی ترقه‌تیش‌دن قول تارتیش‌لرینی سوره‌لگن.
