داعش گروهینینگ جوزجان ولایتیدهگی ایچکی و چیتایللیک رهبرلری، 230 جنگره بیلن بوگون"چهارشنبه" دولتگه قوشیلدی. بیراق جوزجان ولایتینینگ درزاب یشاوچی‌لری اینقسه قربان بولگنلر عایلهلری داعش گروهینینگ قیلگن جنایتلریگه قرشی ناراضلیک قیلگنلر.
داعش گروهی تامانیدن جنسی زورهوانلیک، قتل و اوغرلاوچیلیکلرگه قربان بولگنلرنینگ عایلهلری، جوزجان محکمهسی برابریده توپله‌نیب دولتگه تسلیم بولگنلرنی اورش جنایتلریگه عیبلهگنلر. اولرنینگ ایتیشیچه، دولت اولرنی بخشش قیلگن صورتده، دولتگه قرشی حرکت قیلهدیلر.
جوزجان ولایتینینگ درزاب تومنیده دولت و ترورچی گروهلر آرهسیده اروش بولگنی باعث مذکور عایلهلر قربان بیریب و بدرغه بولگنلر.
اوشبو عایلهلردن اوچ تهسی حیاتالله، عبدالسلام و عبدالمنافنینگ ایتیشیچه، داعش زور بیلن اولردن مالیه آلگن، اولرنی قرضدار قیلیب و کوپینچه اهالینی اولدیرگن. اولر حاضرده بوتون جنایتلرگه قرشی غرامت ایسته‌یدیلر.
عینحالده، جوزجان پولیس قومندانی فقیر محمد جوزجانینینگ سلاموطندارگه ایتیشیچه، عیبلنگن کیشیلر قانونگه تاپشیریلهدی.
داعش گروهی حاضرگچه بو توغریده صحبت قیلمهگن.
