.jpg)
جوزجان نینگ درزاب تومنی 5 مکتبی اوقیتوچیلری‌نینگ آیلیگی داعش چونتهگیگه کیرگن.
جوزجان ولایتی نینگ محلی بلند مرتبه‌لی رسمیلری، داعش توده‌سیگه قره‌شلی قاری حکمت‌الله نینگ کیشیلری درزاب معارف اداره‌سی نینگ ایکّی ملازمینی قوش‌تپه – درزاب تومنی یولیده موتردن توشیریب آلگن لیگی باره‌سیده خبر بیردیلر.
داعش اعضالری مذکور ایکّی شخص‌نی کلتکله‌گندن کیین800مینگ‌دن عبارب 5 مکتب اوقیتوچیلری آیلیگی زودن آلیب کیتگن.
جوزجان ولایتی والیسی نینگ سوزلاووچیسی محمد رضا غفوری، حادثه اوتگن کون «اوبر» منطقه‌سیده یوزبیرگن لیگینی ایتدی. اونینگ سوزلریگه کوره، اوقیتوچیلر آیلیگینی آلیب کیته دیگن شخصلر داعش جنگریلری طرفیدن کلتکله‌نیب معلملرنینگ آیلیگی اوغیرلنگن.
سوزلاووچی، داعش جنگریلری مذکور شخصلرنی کلتکله‌گندن کیین آزاد قیلگن دیدی.
واقعه جدی روشده تیکشیریلیشی اوچون ولایت نینگ قوش‌تپه تومنیگه معارف تامانیدن هیات یوباریلگن لیگینی تیلگه آلدی جناب غفوری.
اوقیتوچیلر آیلیگینی داعش جنگریلری یا – ده باشقه کیشی آلگن لیگی توغریسیده هنوز انیق معلومات قولده ایمس دیدی او.
جوزجان ولایتی ولایت کینگشی نینگ اعضاسی حلیمه صدف کریمی، بو توغریده تیگیشلی اداره نینگ مسووللری جواب بیریشی کیره‌ک دیدی.
خانم کریمی، رسمیلر امنیتی مساله‌لرنی انابت‌گه آلمسدن و هیچ قنده‌ی تدبیر کورمس‌دن نیمه اوچون بیر تومن اوقیتوچیلری‌نینگ آیلیگی ینه بیر تومنگه یوباریلیشی اوزی ایریم فکرلرنی توغدیره‌دی دیگن.
بو باره‌ده جوزجان ولایتی معارف ریاستی مسووللری فکرینی اورگه‌نیش اوچون آلیب بارگن سعی وحرکتیمیز نتیجه آلیب کیلمه‌دی. رسمیلر بو حقیده هلی سوز بیریش‌دن باش تارتدی.
جوزجان ولایتده فعالیت قیله دیگن داعش توده‌سی هنوزگچه بو توغریده بیرار نرسه دیمه‌گن.
