.jpg)
دایکندی ولایتی کینگش اعضالریدن بیرقطاری، بو ولایت‌ده قطار مکتب‌لرنینگ باغلنگنی و 1 مینگ‌دن آرتیق عایله آواره بولگنی‌دن خبر بیرگن‌لر.
دایکندی ولایتی کینگش باشلیغی شیما رستمیان نینگ سلام‌وطندارگه ایتیشیچه، کجران تومنیده طالبان هجوم سبب، 4 مکتب باغلنگن و کمیده 1800 عایله آواره بولگن‌لر. اونینگ ایتیشیچه، بوندن آلدین هم ایکی مکتب طالبان حضوری باعث، باغلنگن ایدی.
خانم رستمیان نینگ کوپه‌یتیریشیچه، سیناو یقینیده مکتب‌لرنینگ باغله‌نیشی اوقووچی‌لر زیانی‌گه دیر.
دایکندی ولایتی کینگش باشلیغی نینگ ایتیشیچه، کجران تومنیده امنیتی کوچلر و طالبان جنگری‌لری آره‌سیده بولگن آتیشمه‌لر اوچ هفته‌دن بویان کوپه‌یگن.
.jpg 3.jpg)
بیراق، دایکندی ولایتی بوییچه معارف ریاستی باشلیغی رحمت‌الله سیرت نینگ ایتیشیچه، کجران تومنیده ایکی مکتب باغلنگن و باشقه مکتب‌لرنینگ ایشیگی اوقووچی‌لر یوزیگه آچیق دیر.
اونینگ ایتیشیچه، اوشبو تومن قطار بولیم‌لریده آتیشمه نینگ دوامی بولگنی باعث، اوقووچی‌لر حضوری کم بولگن، بیراق مکتب‌لر باغلنگن ایمس.
دایکندی مملکت مرکزیده جای‌لشگن ولایت‌لردن بیری دیر و بو ولایت بامیان، غور، غزنی، ارزگان و هلمند ولایت‌لری بیلن قوشنی دیر.
