دایکندی امنیتی مسووللریدن بیرقطاری نینگ ایتیشیچه، طالبان گروهی بوگون "یکشنبه" ایرته‌لب ساعت 1 ده کجران تومنی نینگ اوچ قیشلاغیده جای‌لشگن پولیس پوسته‌لری اوستیگه هجوم قیلگن‌لر.
دایکندی پولیس قومندانلیگی نینگ خوفسیزلیک آمری نقیب‌الله مالستانی نینگ سلام‌وطندارگه ایتیشیچه، طالبان هجومی نتیجه‌سیده پولیس کوچلریدن 7 ته‌سی و ملی اردو عسکرلریدن 1 ته‌سی هلاک و باشقه ایکی پولیس یره‌لنگن دیر.
اونینگ ایتیشیچه، حاضرده طالبان هجومی آرتده اوریلگن.
عین‌حالده، دایکندی ولایتی کینگش اعضالریدن بیرقطاری، کجران چیگره‌سیده طالبان نینگ توپلنگنیدن خواطر بیلدیرگنلر. اولرنینگ ایتیشیچه، اوتگن هفته اوشبو موضوع‌نی امنیتی مسووللربیلن شریک قیلگن ایدیلر، بیراق حاضرگه‌قدر بوتوغریده دقت بولمه‌گن.
دایکندی ولایتی کینگش اعضاسی غیرت‌علی جواهری نینگ ایتیشیچه، جاری ییل باشلنگنیدن حاضرگه‌قدر امنیتی کوچلردن 140 ته‌سی طالبان هجومی باعث، کجران تومنیده هلاک ایتیلگن.
