د دایکندي د ناوهمېش ولسوال حاجي بالخان سلاموطندار ته وايي، مسافروړونکی فلانکوچ ډوله موټر – چې له دایکندي څخه کندهار ته روان و ـ د ناوهمېش ولسوالۍ بازار ته نږدې د سړکغاړې خښ شوي ماین پرې چاودنه کړې.
د ښاغلي بالخان په خبره، پهدې چاودنې کې ۸ ملکي وګړي وژل شوي او ۳ نور ټپیان دي.
ده وویل، دغه ماین د طالبانو له لوري ځای پر ځای شویو او د چاودنې قرباني شوي کسان، د دایکندي د ناوهمېش، کیتي او خدیر ولسوالیو اوسېدونکي دي.
د سړکغاړې ماینونو ځای پرځای کول دې وروستیو کلونو کې د طالبانو له جنګي تاکتیکونو څخه دي؛ خو دغه ماین چاودنې تل ملکي وګړي قرباني کوي.
وسلهوالو طالبانو تر دامهاله د دې پېښې مسوولیت نهدی منلی.
