د دايکندي ولايت د عامې روغتيا رياست مسوولان وايي، تېره شپه وسلهوالو طالبانو د ياد ولايت د کجران ولسوالۍ په «سلمنجي» سيمه کې يوه روغتيايي مرکز ته اور اچولی دی.
د ياد ولايت د عامې روغتيا رييس اسحاقعلي درمان سلاموطندار ته وويل، ياد مرکز کې له ۱۵۰۰ نه تر ۳۰۰۰ کسانو ته روغتيايي خدمات وړاندې کېدل.
د نوموړي په وينا، څرنګه چې دا سيمه د طالبانو تر کنټرول لاندې ده خو يادې ډلې سره يې د روغتيايي خدماتو د وړاندې کولو هوکړه لاسليک کړې وه.
د دايکندي د ولايتي شورا غړی غیرتعلي جواهري وايي چې طالبانو اول ياد روغتيايي مرکز ته اور اچولی او بيا يې په ماينونو الوځولی او بشپړ يې له منځه وړی دی.
د جواهري په وينا، اوس مهال طالبان مناره، سيداباد، سلمنجي او د کجران ولسوالۍ په يو شمېر نورو سيمو کې فعاليت کوي.
