د کابل ښار یو شمېر اوسېدونکيو، مدني فعالانو او لوبغاړو نن سړکونو ته راوتلي وو او په هېواد کې یې د دایمي اوربند غوښتنه وکړه.
د دې لاریون سرلاري احمد هېواد رهیاب وویل، د تاوتریخوالي کمول د سولې په معنا نه ده او افغانان د دایمي اوربند غوښتونکي دي.
د نوموړي په وينا، د جګړې ښکېل لوري دې د خبرو مېز ته کېني او اوربند دې وکړي.
د افغانستان د پالیسۍ ډلې د نظر پوښتنې راپور چې د هېواد په شپږو ولایتونو کې تر سره شوی، ښيي چې د افغانستان 60 سلنه وګړي له طالبانو سره سولې ته خوشبینه دي او 40 سلنه نور بیا په دې اړه اندېښنه لري او له طالبانو ډلې سره سوله مبهمه ګڼي.
