جمهورلیک ریاستی ایکینچی اورین باسری «تازه هوا نی محافظه قیلیشده بیزنینگ رولیمیز» نامیده یولگه قوییلگن برنامه‌ده، قیش موسومیده هوا دغل‌لیگی نینگ زیان‌لریدن آگاه‌لنتیرگن.
جمهورلیک ریاستی ایکینچی اورین باسری نینگ آگاه‌لنتیریشیچه، هوا دغل‌لیگی‌نی کرونا ویروسیدن کوره خطرلی بولیشی ممکن.
اونینگ ایتیشیچه، هوا دغل‌لیگی‌نی مدیریت قیلیش اوچون جدی تدبیرلر آلینمه‌گن صورتده، فاجعه یوز بیره‌دی.
جناب دانش نینگ کوپه‌یتیریشیچه، جمعی کم‌بغل‌لیک و یشش محیط‌نی سقلش اداره‌سی‌نینگ بودجه‌سینی کم‌لیگی هوا دغل‌لیگی‌نی مدیریت قیلینیشی خصوصیده بولگن اساسی قیین‌چیلیک‌لردن دیر.
عین‌حالده، یشش محیط‌نی سقلش اداره‌سی، اهالی و مسوول نهادلردن هوا دغل‌لیگی‌نی کمه‌یتیریلیشی خصوصیده سهیم بولیشی‌نی سوره‌گن.
یشش محیط‌نی سقلش اداره‌سی باشلیغی شاه‌زمان میوندی نینگ ایتیشیچه، هوا دغل‌لیگی‌نی کمه‌یتیریش اوچون مسوول اداره‌لر آره‌سیده هماهنگ‌لیک یوق دیر و اداره‌لر مسوولیت‌لرینی انجام بیرمه‌یدی.
جناب میوندی‌گه کوره، ترانسپورتی، انرژی و صنعتی سکتورلرنینگ فعالیت‌لری مملکت بوییچه 90% هوا دغل‌لیگی‌گه سبب بولگن و اوشبو اداره‌لرنی هوا دغل‌لیگی‌گه توسیق بولیش اوچون سعی و حرکت قیلیش‌لری کیره‌ک.
گزارشلرگه کوره، دنیا جمعیت‌دن 91% هوا دغل‌لیگی نینگ خطرلری بیلن دوچ کیلگن و ییلده 7 میلیون کیشی هوا دغل‌لیگی سبب، جان بیره‌دیلر.
