افغانستان جمهورلیک ریاستی نینگ ایکینچی اورین باسری محمد سرور دانش، میدیالر و میدیالردن حمایت قیلووچی اداره‌لرنینگ خواطری توغریسیده ایتیشیچه، دولت میدیالرنینگ ایرکین‌لیگی نی سلب ایتیش گه اینتیلمه‌یدی.
بوگون «چهارشنبه، 28- جوزا» ایرته‌لب مملکت جمهورلیک ریاستی ایکینچی اورین باسری سرور دانش نینگ اوز توییتر صحیفه‌سیده یازیشیچه، دولت اساسی قانون و یشاوچیلرنینگ اساسی حقوقی‌نی آیاق آستی قیلمه‌یدی.
جناب دانش نینگ توییترینی دوامیده یازیشیچه، سوز ایرکین‌لیگی و میدیالرنینگ ایرکین‌لیگی افغانستان نینگ اونملی یوتوقلریدن بیری دیر.
ایکی کون آلدین میدیالردن بیرقطاری نینگ مسؤوللری و میدیالردن حمایت قیلووچی اداره‌لر آچیق بیر مکتوب ده مملکت جمهور رئیسی محمداشرف غنی نینگ ایتیشیچه، حکومت میدیالرنینگ قانونی گه قیته تیکله‌نیشی اوچون ینگی بیر ریجه تیارلگن و بو ریجه میدیالرنینگ ایرکین‌لیگی‌نی قیسقرتیره‌دی و بو ایسه اساسی قانون و خلق ارا کیلیشوولری گه قرشی دیر.
اوشبو مکتوب ده میدیالرنینگ مسؤوللری و میدیالردن حمایت قیلووچی اداره‌لر مملکت جمهور رئیسی دن بو ریجه عملی قیلینیشی گه توسیق بولیب و میدیالرنینگ قانونی سوز ایرکین‌لیگی و میدیالرنینگ ایرکین‌لیگی گه توسیق بولیشی گه رخصت بیرمه‌سینی طلب قیلیشگن.
مذکور مکتوب نی امضالگن‌لرنینگ ایتیش‌لریچه، بو ریجه نماینده‌لر کینگشی تامانیدن تصدیقلنگن صورتده، مملکت میدیالری نینگ فعالیت‌لری گه قرشی جدی چیکلاولر تعیین ایتیله‌دی.
