جمهور رییسی نینگ ایکینچی اورین باسری سرور دانش بوگون (جمعه) قربان‌علی عرفانی وفاتی نینگ بیرینچی ییللیگی مناسبتی بیلن اوتکزیلگن ییغینده سوزلب قوم پرستلیک دولت و ملت سازلیک جریانیگه اونگلب بولمیدیگن ییریک زیان ییتکزه‌دی دیگن.
حاضرگی شرایطده قوم‌پرستلیک و مملکت خلقی ایچیده نفاق رواجلنتیریش، اوروش و نابرقرارلیکدن کوره جدی بیر مشکل دیدی جناب دانش.
جناب دانش، قوم پرستلیک روحیه‌سی ملی بیرلیک حکومتینی آشفته قیلگن و بو وضعیتنی دوام ایتیشی ترقیات، اصلاحات مدیریت یخشی له‌نیش باسقیچلریگه توسیق یره‌تیشی باره‌سیده تاکیدله‌گن.
شونینگدیک جمهور رییس نینگ ایکینچی اورین باسری بونده‌ی نامناسب وضعیتلردن مملکت دشمنلری کوپراق فایده لنه‌دی دیگن.
سرور دانش، قوملر، گروه‌لر و سیاسی حزبلر باشلیغلریدن امنیت تامین بولیشی اوچون حکومت‌گه همکارلیک قیلیشلرینی سوره‌گن. اونگه کوره، مخالف گروه‌لر برقرارلیکنی برهم اوریش‌گه اولگوره دیلر.
عین حالده ملی بیرلیک حکومتی اجراییه ریاستی باشلیغی داکتر عبدالله عبدالله، ییغینده نطق سوزلب، حاضرگی بحراندن چیقیش نینگ یگانه یولی ملی بیرلیک و اجتماعی عدالت تامین بولیشی‌گه باغلیق دیگن.
حاضرگی وضعیتدن خواطر بیلدیرگن عبدالله عبدالله شرایط اوته قیین‌چیلیک تامان یوز توتگن دیدی.
شوکبی حکومت اجراییه ریاستی ایکینچی اورین باسری محمدمحقق، افغانستان وضعیتی طلب‌گه ماس احوالده ایمس، تیزلیکده بول احوال چیقیلیشی لازم توغریسیده اورغله گن.
بو قبیل سوزلر افغانستان جمهور رییسی نینگ بیرینچی اورین باسری جنرال دوستم، جمهور رییس غنی و عبدالله عبدالله نی قوم پرستلیک‌که عیبله‌گن بیر پتده اظهار ایتیلماقده.
