.jpg)
جوزجان ولایتی‌نینگ قوش‌تپه تومنی‌ده داعش گروهی تامانیدن اوغیرلنگن قیزیل آچ‌نینگ ایکی خادمی درزاب تومنی‌گه آلیب کیتیلگن.
آتی فاش ایتیلیشی‌نی ایستمه‌گن قوش تپه تومنی‌نینگ ترکمن قودق قیشلاغی‌ده بیر امنیتی منبع‌نینگ سلام‌وطندارگه ایتیشیچه، داعش گروهی قیزیل آچ‌نینگ ایکی خادمی‌نی قوش‌تپه تومنی‌نینگ چقمه‌چقور قیشلاغی‌دن درزاب تومنی‌نینگ چکانه قیشلاغی‌گه آلیب کیتگن.
اوشبو منبع‌گه کوره، داعش گروهی‌گه تیگیشلی جنگری‌لر ییغین تشکیل بیرگن و بو کیشی‌لرنی قییرگه آلیب کیتیش‌لری بیللی ایمس.
بیراق، جوزجان محلی رسمی‌لری‌نینگ ایتیشیچه، مذکور ایکی ایشلاوچی‌نی قوییب یوباریش خصوصیده، سعی و حرکت دوام ایتماقده.
سلام‌وطندار بیلن خاص صحبت اوتکزگن جوزجان حاکمی لطف‌الله عزیزی‌نینگ ایتیشیچه، قیزیل آچ‌نینگ ایکی خادمی‌نی تاپیش اوچون امنیتی کوچلر و قوم بویوک‌لری اویغونلیگی‌ده سعی و حرکت قیلماقده‌لر.
جوزجان حاکمی‌نینگ اورغولشیچه، بو سعی و حرکت‌لر نتیجه بیرمه‌گن تقدیرده، قوش‌تپه تومنی‌ده داعش گروهی‌گه قرشی حربی عملیات یولگه قوییله‌دی.
بوگون اوشبو واقعه‌نی تیکشیریش نیتی‌ده مدافعه، ایچکی ایشلر وزیرلیک‌لری و خوفسیزلیک عمومی ریاستی نماینده‌لریدن تشکیل ایتیلگن هیأت جوزجان‌گه ییتیب بارگن.
مذکور هیأت رهبرلیگی‌ده ملی مدافعه وزیرلیگی‌نینگ ستردرستیر تیکشیروو اداره باشلیغی تورن جنرال ابوالفضل‌نینگ ایتیشیچه، بوگون قوش‌تپه تومنی‌ده ایسلنگن واقعه تیکشیرووی‌نی باشله‌گن‌لر و بو توغریده بی‌فرق یانده‌شگن‌لرنی تاپیش‌لری کیره‌ک.
افغانستانده قیزیل آچ اداره‌سی‌نینگ فعالیت‌لری توخته‌تیلگنی‌دن خواطر بیلدیرگن جوزجان یشاوچیلریدن بیرقطاری‌نینگ ایتیشیچه، بو واقعه‌لردن کوپینچه زیان‌نی اهالی کوره‌دی.
اوتگن هفته «چهارشنبه» کون ناتانیش قوراللی کیشی‌لر، جوزجان ولایتی‌نینگ قوش‌تپه تومنی ترکمن قودق منطقه‌سیده، قیزیل آچ‌نینگ 6 ایشلاوچیسی‌نی آتیب اولدیرگن و باشقه ایکی ایشلاوچیسی‌نی اوزلری بیلن آلیب کیتگن. مذکور ایشلاوچی‌لر، حیوانلرگه سبزوات انتقال بیریش اوچون منطقه‌لرنی تیکشیریش نیتی‌ده بو منطقه‌گه بارگن ایکن‌لر.
حاضرگچه قیزیل آچ‌نینگ خادم‌لری اوستیگه اویوشتیریلگن هجوم‌نی کیم‌سه یا-ده هیچ بیر گروه ذیمه‌سیگه آلمه‌گن، بیراق جوزجان محلی رسمی‌لری، بو هجوم‌ده داعش گروهی‌نی عیب‌له‌یدیلر.
عین حالده، داعش گروهی حاضرگچه بوتوغریده هیچ نرسه دیمه‌گن.
