داعش جنگریلری جوزجان ولایتی‌نینگ درزاب تومنی مرکزی کسل‌خانه‌سیده هجوم قیلگن.
جوزجان محلی رسمیلری‌نینگ ایتیشیچه، داعش جنگریلری درزاب تومنی مرکزی شفاخانه‌سی اوستیگه هجوم قیلیب اوشبو کسل‌خانه برچه طبی اوسکونه‌لرینی نابود قیلگندن سونگ دارولرنی اوزلری بیلن بیرگه آلیب کیتگن. رسمیلرگه کوره، شوحاضر درزاب تومنیده کسللرنی مداوا قیلیش اوچون داکتر و دارو قالمه‌گن.
درزاب تومنی‌نینگ باشلیغی باز محمد داور سلام‌وطندارگه، داعش اوشبو کسلخانه‌ده یوروش قیلیب نابود قیلگنیدن سونگ کسل‌خانه‌ده‌گی یشاوچیلرنی مداوا قیله‌دیگن داورلرنی اوزلری بیلن بیرگه آلیب کیتگن دیگن.
اونینگ ایتیشیچه، داعش درزاب تومنی‌نینگ مرکزی کسل‌خانه‌سیدن ۸۰ ٪ جمله‌دن شفاخانه ساختمانی، طبی اوسکونه‌لر و امبولانسلرنی نابود قیلگن.
جناب داورگه کوره، درزاب تومنیده دارو و داکتر بولمه‌گنلیگی دلیل کسللرنی شهر ولایت مرکزیگه آلیب کیلیش جریانیده ۱۵ گه یقین انسان جان بیرگن.
درزاب اولوسوالی نینگ کوپه‌یتیریشیچه، تومن مرکزی کسل‌خانه‌سی تیزلیکده اکمال بولیش اوچون محلی و مرکزی رسمیلرگه مکتوب یوله گنلر.
درزاب تومنی یشاوچیلری هم اوشبو تومنده داکتر و دارو بولمه‌گنلیگیدن شکایت قیلیب ایتیشلریچه، حاضرگه قدر شهر یولیده باله‌لر و عیاللر قوشیمچه کسللردن ۱۵ کیشی عالمدن اوتکن.
اولر تیزلیکده یشاوچیلر قیینچی‌لیگی حل ایتیلیش خصوصی‌ده محلی و مرکزی رسمیلر توجه‌سینی سوره‌گنلر.
