بادغیس ولایتی‌ده 57 دن آشه ایریم تروریستی گروه‌لردن فعالیت قیلیب، بولردن کوپی‌سی اسلامی دولت( داعش) گروهی‌گه قوشیلگن.
بادغیس ولایت رسمی‌لری مذکور خبرنی تأیید قیلیب ایتیشیچه، باشقه گروه‌لردن کوره، داعش گروهی کوچلنیب کیلماقده.
بادغیس ولایتی کینگش باشلیغی بهاالدین قادسی حکومت‌دن مذکور گروه آلدینی آلیشی‌نی ایسته‌دی.
اونینگ کوپه‌یتیریشیچه، شو حاضر داعش گروهی بادغیس ولایتی‌نینگ بالامرغاب، جویند، آب‌کمری، مقر و قادس تومن‌لریده کورینگن و اوشبو منطقه‌نی اوزلریگه مرکز توزه‌تیش اوچون تلاش قیلیب کیلماقده‌لر.
هلمند ولایت رسمی‌لری هم اسلامی دولت( داعش) گروهی مذکور ولایت کجکی تومنی‌ده کورینگن و اوزلرینی کوچلنتیریش اوچون ییگیت‌لرنی قوشیلیشگه تشویق قیله‌دی دیگن.
گزارشلرگه کوره، شوحاضرگه قدر کجکی تومنی‌نینگ گندم‌ریز منطقه سیدن 100 دن آشه ییگیت مذکور گروه‌گه قوشیلگن.
کجکی تومنی‌نینگ اجتماعی کینگش باشلیغی نیک‌محمد نینگ ایتشیچه، تازه قوشیلگن ییگیت‌لر ارا چیریکی اورگه‌تیشلر اوچون تشقی‌لیک‌لر هم مجود.
اونگه کوره، «بیرتاماندن طالب‌لر هجومی خواطریده‌میز و ینه بیرتاماندن ایسه مذکور ییگیت‌لر چیقیشی بیزلرنی خواطرلنتیرگن».
کجکی پولیس باشلیغی فیض‌الله آخندزاده هم منطقه‌ده داعش تامانیدن ییگیت‌لر تشویق بولیب بولر صفیگه کیرگن لیگی‌نی تایید قیله‌دی، اما اولرگه قرشی کوره شیش تیارگرلیک‌لری بارلیگی‌نی تیلگه آلدی.
ایتیلیشیچه، حاضرگه قدر داعش‌گه قوشیلگن ییگیت‌لر فعالیت‌گه باشله مه‌گن؛ اما کجکی پولیس باشلیغی‌گه کوره، کیله‌جکده ناتینچ‌لیک‌لرگه سبب بولیشی ممکن.
آخندزاده نینگ کوپه‌یتیریشیچه، هرکون داعش اوچون تورلی گزارشلر کیله‌دی. اونگه کوره، گزارشلر اساسیده 200-250 طالب مذکور گروه‌گه قوشیلگن.
هلمند ولایتی کینگش باشلیغی کریم اتل هم، کجکی‌ده ییگیت‌لرنی داعش نامی‌دن فعالیت قیلیشلرینی تایید قیلدی و بوگروه اوزیگه عسکر آلیش مرحه سیده ایکن لیگی‌نی بیلدیردی.
شونینگ‌دیک هلمند ولایت سرپرستی محمدنعیم بلوچ‌نینگ ایتیشیچه، طالب‌لر و داعشنی تانیته دیگن باشقه گروه‌لر، کجکی تومنی‌نینگ ایریم منطقه‌سی جمله‌دن گندم‌ریز منطقه سیده فعالیت قیله‌دیلر و بوگروه مخدرماده‌لر قاچاقیدن اوزلرینی باقه‌دی.
جناب بلوچ ناتینچ منطقه‌لرده تروریستی گروه‌لر فعالیتی‌گه زمینه یره‌ته دیگن نرسه مخدر ماده‌لری دیب بیله‌دی.
اسلامی دولت گروهی‌گه تیگیشلی فعالیت‌لردن شوپیتده گزارش بیریله‌دی که افغانستان جمهور رییسی بدخشان‌ده قیلگن سفریده ایتیشیچه، مذکور ولایت سونگی ناتینچ‌لیک‌لری وننگرهار مرکزیده‌گی ایکی قانلی پارتلاونی داعش گروهی‌گه نسبت بیره‌دی و مذکور گروه‌نی مسؤول بیله‌دی.
21- حمل طالب‌لر بدخشان ولایتی جرم تومنی‌نینگ خُستک منطقه‌سی ده‌گی امنیتی پوسته‌لرگه هجوم قیلدی. افغانستان امنیتی کوچلری بیلن طالب‌لر ارا 3 کون تونقه شو دوام تاپیشی بیلن نتیجه‌ده 58 کیشی اردو کوچلریدن، بولردن28 ته‌سی رحم‌سیزلیک بیلن سویلیب اولدیریلدی.
اوتگن کون ایرته‌لب ساعت8ده جلال‌آباد شهری ده‌گی کیتمه کیت ایکی پارتلش هجوم‌ده 38 دن آشه کیشی هلاک بولیب، 124 کیشی‌گه یقین تینچ اهالی قوشیمچه تن جراحت کوترگن ایدی.
طالب‌لر مطبوعاتی اعلامیه ترقه‌تیشی بیلن مذکور پارتلش‌دن خبر سیزلیگی‌نی بیلدیردی و پاکستان‌لیک طالب‌لر هم تینچ اهالی اولدیریشی‌نی رد قیلیب، مذکور عمل‌نی اوزلریگه نسبت بیریش‌نی عار بیلگن.
