پاکستان ملی کریکت تیمی اویینچیلری مذکور تیم‌نی سابق مربی‌سی یونس خان ریاستی‌ده 16 اویین‌چی بیلن تیزلیک‌ده کریکت بیله‌شوونی یولگه قوییش اوچون کابل کیله‌دیلر.
افغانستان کریکت بوردی تمانیدن ترقتیلگن خبرنامه‌ده کیلیشیچه، کابل کیله‌دیگن اویینچیلر لیستی‌نی قولگه کیریتکن‌لر.
خبرنامه‌نینگ کوپه‌یتیریشیچه، خیبر پشتون‌خواه تیمی‌ده پاکستان‌لیک 16 اویین‌چی حضور تاپکنلر.
اعلام بولینگن اویینچیلر، یونس خان، یاسر حمید، عمران خان، رفعت‌الله مومند، تاج‌ولی، فضل اکبر، رضوان احمد، عدنان رییس، گوهر عالی، اسرارالله، عال امین، افتخار احمد، کامران غلام، خالد عثمان، احمد جمال و اجمل آفریدی‌لردن عبارت بولگن.
افغانستان کریکت بوردی‌نینگ ایتیشیچه، مذکور اویینچیلر «می» آیی‌نینگ سونگی کونلری‌ده 20 آوره‌لیک 3 بیله‌شوو، 3 اویین بیرکونلیک، 2 اویین تورت کونلیک اوچون کابل کیله‌دیلر. خیبر پشتون‌خواه کریکت تیمی اویینچیلری افغانستان‌نینگ الف کریکت تیمی بیلن اوینه‌یدیلر.
خیبر پشتون‌خواه تیمی مذکور ولایت‌نی اوچ زونی‌دن تشکیل ایتیلیب، برینچی مرته افغانستان‌نینگ کریکت تیمی مقابلی‌ده اوینه‌یدیلر.
