.jpg)
افغانستان فوتبال فدراسیونی تاجکستان ملی فوتبال تیمی برابریده جاری ییل نوامبر آییده بولهدیگن بیلهشوو اویینچیلریدن 26 تهسی اسمینی اعلام قیلگن. مذکور لیستده افغانستان ملی فوتبال سابق اویینچیسی اسلامالدین امری نینگ هم اسمی کورینهدی. 2014 ییلده اسلامالدین امیری باشقه 6 اویینچی بیلن افغانستان ملی تیمینی بایکات قیلدیلر.
افغانستان تانیقلی یولدوزلریدن بولگن اسلامالدین امیری 2013-ییلی کپیتانلیک پیتیده، افغانستان فوتبال ملی تیمی جنوبی آسیا بیلهشوولریده قهرمان بولگن ایدی.
و افغانستان فوتبال فدراسیونی نینگ حاضرگی اعلام قیلگن ینگی لیستیده، سابق فوتبال ملی تیم اویینچیلریدن مصطفی آزادزوی نینگ، سابق مربیسی اسلامالدین امیری و باشقه 5 اوینچی بیلن ترک قیلگن ایدیلر، اسمی کورینهدی.
جاری ییل نوامبر آیی نینگ 13- سیده افغانستان و تاجکستان فوتبال تیملری اورتاقلیک اویینلر اوتکزیشلری کوتیلهدی.
مذکور بیلهشووده اویس عزیزی، حمیدالله وکیلی و ایملگریوال لر ایشیکچیلیک قیلهدیلر و مدافعه چیزیغیده حسن امین، سیدمحمد هاشمی، روحالله اقبالزاده، مجیب جمالی، مسح سیغانی، انوش دستگیر، عبدالمنان عظیمی و اسلامالدین امیریلر افغانستان ملی تیمی نفعیگه اوینیدیلر.
فیصل شایسته، زبیرامیری، نورالله امیری، میلاد سالم، آرش هاتفی، اباسین علیخیل، نورځدران، مصطفی آزادزوی، قسمت احمدی، فردین حکیمی، امرالدین شریفی، فیضمحمد فیضی، ادریس هوشمند، کنشکا طاهر، محمد صابرعزیزی و سیلاب غفوریلر هجوم چیزیغیده اوینیدیگن افغانستان فوتبال ملی تیمی اعضالریدن دیر.
مذکور بیلهشووده، خیبرامانی و یوسف شیردللر یانیده ینگی جراحتلیکنی اوتکزگن مصطفی زازی هم اشتراک ایته آلمیدی.
افغانستان فوتبال فدراسیونی رسمیلری نینگ ایتیشلریچه، اوشبو اورتاقلیک اویین (یکشنبه) کونی توشدن کیین ساعت (3:30) افغانستان وقتی بیلن تاجکستان میزبانلیگی بیلن دوشنبه شهریده بولیب اوتیشی کوتیلهدی.
