خیالی عسکرلر، خیالی مکتب‌لر، خیالی قبرستان‌لر و ایندی خیالی بدرغه‌لر!
قندوز ولایتی‌نینگ مهاجرلر و بدرغه‌لر ریاستی مسؤوللری، اوشبو ولایت‌ده خیالی بدرغه‌لر موجودلیگی‌دن خبر بیره‌دی.
اوشبو مسؤوللرنینگ ایتیشیچه، خیالی بدرغه‌لر موجودلیگی سبب، کوپینچه وقت‌لری اولرنی تانیش‌گه صرفلنه‌دی.
قندوز ولایتی‌نینگ مهاجرلر اداره‌سی باشلیغی عبدالسلام هاشمی‌نینگ ایتیشیچه، اوشبو ولایت مرکزیده اوتکزیلگن سونگی تازه‌لش عملیات‌دن کیین، 500 دن آرتیق عایله اولرگه مراجعت قیلیب و امنیتی کوچلر بیلن طالب‌لرنینگ آره‌سیده یوز بیرگن اوروش‌ده بدرغه بولگن‌لرینی بیلدیرگن‌لر، بیراق تیکشیروودن سونگ، اولردن یالغیز 142 عایله بدرغه بولگنی معلوم بولگن.
هاشمی‌نینگ ایتیشیچه، بو عایله‌لردن کوپینچه‌سی یاردم بیرووچی اداره‌لر تامانیدن بیریله‌دیگن یاردملردن قولگه کیریتیش اوچون بدرغه‌لر آتی‌گه یاردم سوره‌گن‌لر.
قندوز ولایتی‌نینگ استیناف قاره‌لاوچیلیک اداره‌سی باشلیغی محمد عارف مبشرنینگ ایتیشیچه، مذکور کیشی‌لرنینگ کیم‌لیگی معلوم بولگن صورتده، قاره‌لاوچیلیک‌که تانیشتیریله‌دی.
ترقه‌تیلگن رقم‌لر اساسیده، اوشبو ولایت‌ده یوز بیرگن سونگی آتیشمه‌لر نتیجه‌سیده، خیالی بدرغه‌لر شامل ناتینچ منطقه‌لردن 800 عایله بدرغه بولگن.
